Plato, Euthydemus, Protagoras, Gorgias, Meno, Γοργίας 40:

ἆρα διὰ τοῦτο, ὅτι καὶ ἄλλοι εἰσὶ ζωγράφοι γράφοντεσ ἄλλα πολλὰ ζῷα; ναί. εἰ δέ γε μηδεὶσ ἄλλοσ ἢ Ζεῦξισ ἔγραφε, καλῶσ ἄν σοι ἀπεκέκριτο; πῶσ γὰρ οὔ; ἴθι δὴ καὶ περὶ τῆσ ῥητορικῆσ εἰπέ· πότερόν σοι δοκεῖ πειθὼ ποιεῖν ἡ ῥητορικὴ μόνη ἢ καὶ ἄλλαι τέχναι; λέγω δὲ τὸ τοιόνδε· ὅστισ διδάσκει ὁτιοῦν πρᾶγμα, πότερον ὃ διδάσκει πείθει ἢ οὔ; οὐ δῆτα, ὦ Σώκρατεσ, ἀλλὰ πάντων μάλιστα πείθει.