Plato, Euthydemus, Protagoras, Gorgias, Meno, Πρωταγόρας 183:

ἴθι δή, ἦν δ’ ἐγώ, ἀναλογισώμεθα τὰ ὡμολογημένα ἡμῖν. ὡμολογήκαμεν ἓν ἑνὶ μόνον ἐναντίον εἶναι, πλείω δὲ μή; ὡμολογήκαμεν. τὸ δὲ ἐναντίωσ πραττόμενον ὑπὸ ἐναντίων πράττεσθαι; ἔφη. ὡμολογήκαμεν δὲ ἐναντίωσ πράττεσθαι ὃ ἂν ἀφρόνωσ πράττηται τῷ σωφρόνωσ πραττομένῳ; ἔφη. τὸ δὲ σωφρόνωσ πραττόμενον ὑπὸ σωφροσύνησ πράττεσθαι, τὸ δὲ ἀφρόνωσ ὑπὸ ἀφροσύνησ;