Plato, Euthydemus, Protagoras, Gorgias, Meno, Πρωταγόρας 112:

Ζεὺσ οὖν δείσασ περὶ τῷ γένει ἡμῶν μὴ ἀπόλοιτο πᾶν, Ἑρμῆν πέμπει ἄγοντα εἰσ ἀνθρώπουσ αἰδῶ τε καὶ δίκην, ἵν’ εἰε͂ν πόλεων κόσμοι τε καὶ δεσμοὶ φιλίασ συναγωγοί. ἐρωτᾷ οὖν Ἑρμῆσ Δία τίνα οὖν τρόπον δοίη δίκην καὶ αἰδῶ ἀνθρώποισ· "πότερον ὡσ αἱ τέχναι νενέμηνται, οὕτω καὶ ταύτασ νείμω; νενέμηνται δὲ ὧδε· εἷσ ἔχων ἰατρικὴν πολλοῖσ ἱκανὸσ ἰδιώταισ, καὶ οἱ ἄλλοι δημιουργοί· καὶ δίκην δὴ καὶ αἰδῶ οὕτω θῶ ἐν τοῖσ ἀνθρώποισ, ἢ ἐπὶ πάντασ νείμω;