Plato, Euthydemus, Protagoras, Gorgias, Meno, Εὐθύδημος 278:

ἡγουμένω οὖν σκώπτεσθαι οὐκ ἠθελέτην, ἀλλ’ ὡμολογησάτην πάντα χρήματα ἐπίστασθαι, καθ’ ἓν ἕκαστον ἐρωτώμενοι ὑπὸ Κτησίππου. ὁ γὰρ Κτήσιπποσ πάνυ ἀπαρακαλύπτωσ οὐδὲν ὅτι οὐκ ἠρώτα τελευτῶν, καὶ τὰ αἴσχιστα, εἰ ἐπισταίσθην· τὼ δὲ ἀνδρειότατα ὁμόσε ᾔτην τοῖσ ἐρωτήμασιν, ὁμολογοῦντεσ εἰδέναι, ὥσπερ οἱ κάπροι οἱ πρὸσ τὴν πληγὴν ὁμόσε ὠθούμενοι, ὥστ’ ἔγωγε καὶ αὐτόσ, ὦ Κρίτων, ὑπ’ ἀπιστίασ ἠναγκάσθην τελευτῶν ἐρέσθαι τὸν Εὐθύδημον εἰ καὶ ὀρχεῖσθαι ἐπίσταιτο ὁ Διονυσόδωροσ·