Plato, Euthydemus, Protagoras, Gorgias, Meno, Εὐθύδημος 230:

πῶσ δὴ τοῦτο ὑμῖν συνέβη, ὦ Σώκρατεσ; ἐγὼ φράσω. ἔδοξε γὰρ δὴ ἡμῖν ἡ πολιτικὴ καὶ ἡ βασιλικὴ τέχνη ἡ αὐτὴ εἶναι. τί οὖν δή; ταύτῃ τῇ τέχνῃ ἥ τε στρατηγικὴ καὶ αἱ ἄλλαι παραδιδόναι ἄρχειν τῶν ἔργων ὧν αὐταὶ δημιουργοί εἰσιν, ὡσ μόνῃ ἐπισταμένῃ χρῆσθαι. σαφῶσ οὖν ἐδόκει ἡμῖν αὕτη εἶναι ἣν ἐζητοῦμεν, καὶ ἡ αἰτία τοῦ ὀρθῶσ πράττειν ἐν τῇ πόλει, καὶ ἀτεχνῶσ κατὰ τὸ Αἰσχύλου ἰαμβεῖον μόνη ἐν τῇ πρύμνῃ καθῆσθαι τῆσ πόλεωσ, πάντα κυβερνῶσα καὶ πάντων ἄρχουσα πάντα χρήσιμα ποιεῖν. οὐκοῦν καλῶσ ὑμῖν ἐδόκει, ὦ Σώκρατεσ;