Plato, Euthydemus, Protagoras, Gorgias, Meno, Εὐθύδημος 144:

ὡσ ἔστιν. εἰ γὰρ μέμνησαι, ἔφη, ὦ Κτήσιππε, καὶ ἄρτι ἐπεδείξαμεν μηδένα λέγοντα ὡσ οὐκ ἔστι· τὸ γὰρ μὴ ὂν οὐδεὶσ ἐφάνη λέγων. τί οὖν δὴ τοῦτο; ἦ δ’ ὃσ ὁ Κτήσιπποσ· ἧττόν τι ἀντιλέγομεν ἐγώ τε καὶ σύ; πότερον οὖν, ἦ δ’ ὅσ, ἀντιλέγοιμεν ἂν τοῦ αὐτοῦ πράγματοσ λόγον ἀμφότεροι λέγοντεσ, ἢ οὕτω μὲν ἂν δήπου ταὐτὰ λέγοιμεν; συνεχώρει. ἀλλ’ ὅταν μηδέτεροσ, ἔφη, τὸν τοῦ πράγματοσ λόγον λέγῃ, τότε ἀντιλέγοιμεν ἄν;