Plato, Euthydemus, Protagoras, Gorgias, Meno, Εὐθύδημος 94:

ἐπιστήμη, ἦ δ’ ὅσ. οὐ μόνον ἄρα εὐτυχίαν ἀλλὰ καὶ εὐπραγίαν, ὡσ ἐοίκεν, ἡ ἐπιστήμη παρέχει τοῖσ ἀνθρώποισ ἐν πάσῃ κτήσει τε καὶ πράξει. ὡμολόγει. ἆρ’ οὖν ὦ πρὸσ Διόσ, ἦν δ’ ἐγώ, ὄφελόσ τι τῶν ἄλλων κτημάτων ἄνευ φρονήσεωσ καὶ σοφίασ; ἆρά γε ἂν ὄναιτο ἄνθρωποσ πολλὰ κεκτημένοσ καὶ πολλὰ πράττων νοῦν μὴ ἔχων, ἢ μᾶλλον ὀλίγα νοῦν ἔχων; ὧδε δὲ σκόπει· οὐκ ἐλάττω πράττων ἐλάττω ἂν ἐξαμαρτάνοι, ἐλάττω δὲ ἁμαρτάνων ἧττον ἂν κακῶσ πράττοι, ἧττον δὲ κακῶσ πράττων ἄθλιοσ ἧττον ἂν εἰή;