Plato, Euthydemus, Protagoras, Gorgias, Meno, Εὐθύδημος 67:

καὶ οὔπω σφόδρα τι ταῦτα εἴρητο τῷ Εὐθυδήμῳ, καὶ ὁ Διονυσόδωροσ ὥσπερ σφαῖραν ἐκδεξάμενοσ τὸν λόγον πάλιν ἐστοχάζετο τοῦ μειρακίου, καὶ εἶπεν· Ἐξαπατᾷ σε Εὐθύδημοσ, ὦ Κλεινία. εἰπὲ γάρ μοι, τὸ μανθάνειν οὐκ ἐπιστήμην ἐστὶ λαμβάνειν τούτου οὗ ἄν τισ μανθάνῃ; ὡμολόγει ὁ Κλεινίασ. τὸ δ’ ἐπίστασθαι, ἦ δ’ ὅσ, ἄλλο τι ἢ ἔχειν ἐπιστήμην ἤδη ἐστίν; συνέφη. τὸ ἄρα μὴ ἐπίστασθαι μήπω ἔχειν ἐπιστήμην ἐστίν;