Plato, Euthydemus, Protagoras, Gorgias, Meno, Εὐθύδημος 57:

ἐνταῦθα δὴ καὶ πάνυ μέγα ἐγέλασάν τε καὶ ἐθορύβησαν οἱ ἐρασταὶ τοῖν ἀνδροῖν, ἀγασθέντεσ τῆσ σοφίασ αὐτοῖν· οἱ δ’ ἄλλοι ἡμεῖσ ἐκπεπληγμένοι ἐσιωπῶμεν. γνοὺσ δὲ ἡμᾶσ ὁ Εὐθύδημοσ ἐκπεπληγμένουσ, ἵν’ ἔτι μᾶλλον θαυμάζοιμεν αὐτόν, οὐκ ἀνίει τὸ μειράκιον, ἀλλ’ ἠρώτα, καὶ ὥσπερ οἱ ἀγαθοὶ ὀρχησταί, διπλᾶ ἔστρεφε τὰ ἐρωτήματα περὶ τοῦ αὐτοῦ, καὶ ἔφη· πότερον γὰρ οἱ μανθάνοντεσ μανθάνουσιν ἃ ἐπίστανται ἢ ἃ μὴ ἐπίστανται;