Pausanias, Description of Greece, Λακωνικά, chapter 16 15:

καίτοι διαμεμένηκεν ἔτι καὶ νῦν τηλικοῦτο ὄνομα τῇ Ταυρικῇ θεῷ, ὥστε ἀμφισβητοῦσι μὲν Καππάδοκεσ καὶ οἱ τὸν Εὔξεινον οἰκοῦντεσ τὸ ἄγαλμα εἶναι παρὰ σφίσιν, ἀμφισβητοῦσι δὲ καὶ Λυδῶν οἷσ ἐστιν Ἀρτέμιδοσ ἱερὸν Ἀναιίτιδοσ. Ἀθηναίοισ δὲ ἄρα παρώφθη γενόμενον λάφυρον τῷ Μήδῳ· τὸ γὰρ ἐκ Βραυρῶνοσ ἐκομίσθη τε ἐσ Σοῦσα καὶ ὕστερον Σελεύκου δόντοσ Σύροι Λαοδικεῖσ ἐφ’ ἡμῶν ἔχουσι.