헬라어 문장 검색 - Παυσαν́Δεσξριπ́3́24́

(파우사니아스, Description of Greece, Λακωνικά, chapter 24)

Ἐπιδαύρου δὲ σταδίουσ ἑκατὸν ἀπέχει Ζάραξ, ἄλλωσ μὲν εὐλίμενον χωρίον, τῶν δὲ Ἐλευθερολακώνων μάλιστα τοῦτο ἐκτετρύχωται, ἐπεὶ καὶ Κλεώνυμοσ ὁ Κλεομένουσ τοῦ Ἀγησιπόλιδοσ μόνον τοῦτο τῶν Λακωνικῶν πολισμάτων ἐποίησεν ἀνάστατον· καί μοι τὰ ἐσ τὸν Κλεώνυμον ἑτέρωθί ἐστιν εἰρημένα. ἐν Ζάρακι δὲ ἄλλο μὲν οὐδέν, πρὸσ δὲ τοῦ λιμένοσ τῷ πέρατι Ἀπόλλωνοσ ναόσ ἐστι καὶ ἄγαλμα κιθάραν ἔχον. προελθόντι δὲ ἀπὸ Ζάρακοσ παρὰ τὴν θάλασσαν ἑκατόν που στάδια καὶ ἐπιστρέψαντι αὐτόθεν ἐσ μεσόγαιαν καὶ ἐπαναβάντι σταδίουσ ὡσ δέκα, Κυφάντων καλουμένων ἐρείπιά ἐστιν, ἐν δὲ αὐτοῖσ σπήλαιον ἱερὸν Ἀσκληπιοῦ, λίθου δὲ τὸ ἄγαλμα.

ἔστι δὲ καὶ ὕδατοσ ψυχροῦ κρουνὸσ ἐκβάλλων ἐκ πέτρασ·

Ἀταλάντην θηρεύουσαν ἐνταῦθά φασιν, ὡσ ἠνιᾶτο ὑπὸ δίψησ, παῖσαι τῇ λόγχῃ τὴν πέτραν καὶ οὕτω ῥυῆναι τὸ ὕδωρ. Βρασιαὶ δὲ ἐσχάτη μὲν ταύτῃ τῶν Ἐλευθερολακώνων πρὸσ θαλάσσῃ ἐστί, Κυφάντων δὲ ἀπέχουσι πλοῦν σταδίων διακοσίων.

οἱ δὲ ἄνθρωποι λέγουσιν <οἱ> ἐνταῦθα, οὐδέσιν ὁμολογοῦντεσ Ἑλλήνων, ὡσ Σεμέλη τέκοι τὸν παῖδα ἐκ Διὸσ καὶ ὑπὸ τοῦ Κάδμου φωραθεῖσα ἐσ λάρνακα αὐτὴ καὶ Διόνυσοσ ἐμβληθείη· καὶ τὴν λάρνακα ὑπὸ τοῦ κλύδωνοσ ἐκπεσεῖν φασιν ἐσ τὴν σφετέραν, καὶ Σεμέλην μὲν ‐ οὐ γὰρ αὐτὴν περιοῦσαν ἔτι εὑρεῖν ‐ ἐπιφανῶσ θάψαι, Διόνυσον δὲ ἀναθρέψαι λέγουσιν. ἐπὶ τούτῳ δὲ αὐτοῖσ καὶ τὴν πόλιν, Ὀρειάτασ ἐσ ἐκεῖνο ὀνομαζομένην, μετονομασθῆναι Βρασιὰσ ἐπὶ τῇ ἐκβολῇ τῇ ἐσ τὴν γῆν τῆσ λάρνακοσ·

ὡσαύτωσ δὲ καὶ ἐφ’ ἡμῶν τὰ ὑπὸ τοῦ κλύδωνοσ ἀπωθούμενα ἐσ τὴν γῆν ἐκβεβράσθαι καλοῦσιν οἱ πολλοί. Βρασιᾶται δὲ καὶ τάδε ἐπιλέγουσιν, Ἰνώ σφισιν ἐσ τὴν χώραν ἀφικέσθαι πλανωμένην, ἐλθοῦσαν δὲ ἐθελῆσαι τοῦ Διονύσου γενέσθαι τροφόν· καὶ ἀποφαίνουσι μὲν τὸ ἄντρον ἔνθα τὸν Διόνυσον ἔθρεψεν Ἰνώ, καλοῦσι δὲ καὶ τὸ πεδίον Διονύσου κῆπον. ἱερὰ δὲ αὐτόθι τὸ μέν ἐστιν Ἀσκληπιοῦ, τὸ δὲ Ἀχιλλέωσ, καὶ ἑορτὴν κατὰ ἔτοσ ἄγουσιν Ἀχιλλεῖ.

ἄκρα δέ ἐστιν ἐν ταῖσ Βρασιαῖσ μικρά, προέχουσα ἠρέμα ἐσ τὴν θάλασσαν, καὶ ἐπ’ αὐτῇ χαλκοῖ ποδιαίων ἑστήκασιν οὐ μείζονεσ, πίλουσ ἐπὶ ταῖσ κεφαλαῖσ ἔχοντεσ, οὐκ οἶδα εἰ Διοσκούρουσ σφᾶσ ἢ Κορύβαντασ νομίζουσι· τρεῖσ δ’ οὖν εἰσί, τέταρτον δὲ Ἀθηνᾶσ ἄγαλμα.

τὰ δὲ ἐν δεξιᾷ Γυθίου Λᾶσ ἐστι, θαλάσσησ μὲν δέκα στάδια, Γυθίου δὲ τεσσαράκοντα ἀπέχουσα.

ᾤκισται δὲ νῦν μὲν Ἰλίου καλουμένου καὶ Ἀσίασ καὶ Κνακαδίου, τῶν ὀρῶν τούτων τὸ μεταξὺ ἐπέχουσα, πρότερον δὲ τῆσ Ἀσίασ τοῦ ὄρουσ ἔκειτο ἐπὶ τῇ κορυφῇ· καὶ νῦν ἔτι τῆσ πόλεώσ ἐστι τῆσ ἀρχαίασ ἐρείπια καὶ πρὸ τῶν τειχῶν ἄγαλμα Ἡρακλέουσ καὶ ἀπὸ τῶν Μακεδόνων τρόπαιον, οἳ μοῖρα τῆσ Φιλίππου στρατιᾶσ ἦσαν, ἡνίκα ἐσ τὴν Λακωνικὴν ἐσέβαλεν, ἀποτραπόμενοι δὲ ἀπὸ τῶν ἄλλων τὰ παραθαλάσσια ἐλεηλάτουν τῆσ χώρασ. ἔστι δὲ ἐν τοῖσ ἐρειπίοισ ναὸσ Ἀθηνᾶσ ἐπίκλησιν Ἀσίασ, ποιῆσαι δὲ Πολυδεύκην καὶ Κάστορά φασιν ἀνασωθέντασ ἐκ Κόλχων·

εἶναι γὰρ καὶ Κόλχοισ Ἀθηνᾶσ Ἀσίασ ἱερόν. μετασχόντασ μὲν οὖν οἶδα Ιἄσονι τοῦ στόλου τοὺσ Τυνδάρεω παῖδασ· ὅτι δὲ Ἀθηνᾶν Ἀσίαν τιμῶσιν οἱ Κόλχοι, παρὰ Λακεδαιμονίων ἀκούσασ γράφω. τῆσ δὲ ἐφ’ ἡμῶν οἰκουμένησ πόλεωσ κρήνη τέ ἐστι πλησίον διὰ τὴν χρόαν τοῦ ὕδατοσ καλουμένη Γαλακὼ καὶ πρὸσ τῇ κρήνῃ γυμνάσιον· Ἑρμοῦ δὲ ἕστηκεν ἄγαλμα ἀρχαῖον. τῶν δὲ ὀρῶν ἐπὶ μὲν τοῦ Ἰλίου Διονύσου τέ ἐστι καὶ ἐπ’ ἄκρασ τῆσ κορυφῆσ Ἀσκληπιοῦ ναόσ, πρὸσ δὲ τῷ Κνακαδίῳ Κάρνειοσ καλούμενοσ Ἀπόλλων.

ἀπὸ δὲ τοῦ Καρνείου σταδίουσ προελθόντι ὡσ τριάκοντα, ἔστιν ἐν χωρίῳ Ὕψοισ ἐν ὁρ́οισ ἤδη Σπαρτιατῶν ἱερὸν Ἀσκληπιοῦ καὶ Ἀρτέμιδοσ ἐπίκλησιν Δαφναίασ.

πρὸσ θαλάσσῃ δὲ ἐπὶ ἄκρασ ναόσ ἐστι Δικτύννησ Ἀρτέμιδοσ, καί οἱ κατὰ ἔτοσ ἕκαστον ἑορτὴν ἄγουσι.

ταύτησ δὲ ἐν ἀριστερᾷ τῆσ ἄκρασ ποταμὸσ ἐκδίδωσιν ἐσ θάλασσαν Σμῆνοσ, ὕδωρ πιεῖν ἡδὺ εἴπερ ἄλλοσ τισ παρασχόμενοσ ποταμόσ· ἔχει δὲ ἐν τῷ ὄρει τῷ Ταϋγέτῳ τὰσ πηγάσ, ἀπέχει δὲ τῆσ πόλεωσ σταδίουσ οὐ πλέον πέντε. ἐν δὲ Ἀραί̈νῳ καλουμένῳ χωρίῳ τάφοσ Λᾶ καὶ ἀνδριὰσ ἐπὶ τῷ μνήματι ἔπεστι.

τοῦτον τὸν Λᾶν οἰκιστὴν εἶναι λέγουσιν οἱ ταύτῃ, καὶ ἀποθανεῖν φασιν ὑπὸ Ἀχιλλέωσ, Ἀχιλλέα δὲ κατᾶραί σφισιν ἐσ τὴν χώραν Ἑλένην παρὰ Τυνδάρεω γυναῖκα αἰτοῦντα. λέγοντι δὲ ἐπ’ ἀληθείᾳ Πάτροκλόσ ἐστιν ὁ τὸν Λᾶν ἀποκτείνασ· οὗτοσ γὰρ καὶ ὁ μνηστευσάμενόσ ἐστιν Ἑλένην. καὶ ὅτι μὲν τῶν Ἑλένησ μνηστήρων Ἀχιλλεὺσ οὐκ ἔστιν ἐν Καταλόγῳ γυναικῶν, μηδὲν τοῦτο ἔστω τεκμήριον οὐκ αἰτῆσαι Ἑλένην αὐτόν· Ὅμηροσ δὲ ἔγραψε μὲν τῆσ ποιήσεωσ ἀρχόμενοσ ὡσ Ἀχιλλεὺσ χαριζόμενοσ τοῖσ Ἀτρέωσ παισὶ καὶ οὐκ ἐνεχόμενοσ τοῖσ ὁρ́κοισ τοῖσ Τυνδάρεω παραγένοιτο ἐσ Τροίαν, ἐποίησε δὲ ἐν ἄθλοισ λέγοντα Ἀντίλοχον ὡσ Ὀδυσσεὺσ πρεσβύτερόσ ἐστιν αὐτοῦ γενεᾷ, τὸν δὲ Ὀδυσσέα πρὸσ Ἀλκίνουν περὶ τῶν ἐν Αἵδου καὶ ἄλλα διηγούμενον καὶ ὅτι Θησέα ἰδεῖν ἐθελήσαι καὶ Πειρίθουν προτέρουσ ἄνδρασ ἢ καθ’ ἡλικίαν τὴν αὑτοῦ·

Θησέα δὲ ἴσμεν ἁρπάσαντα Ἑλένην. οὕτωσ οὐδὲ ἐγχωροῦν ἐστιν ἀρχὴν Ἑλένησ μνηστῆρα Ἀχιλλέα γενέσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Λακωνικά, chapter 24

(파우사니아스, Description of Greece, Λακωνικά, chapter 24)

상위

목록

SEARCH

MENU NAVIGATION