헬라어 문장 검색 - Ηιπποξ́Οευϝρεσ́12́15́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 15.)

Φυλάσσεσθαι δὲ χρὴ, ὅκωσ μή τι κακὸν ἀπολαύσῃ τὸ ὀστέον ἀπὸ τῆσ σαρκὸσ, ἢν κακῶσ ἰητρεύηται. Ὀστέῳ γὰρ καὶ πεπρισμένῳ, καὶ ἄλλωσ ἐψιλωμένῳ, ὑγιεῖ δὲ ἐόντι, καὶ ἔχοντί τι σίνοσ ὑπὸ τοῦ βέλεοσ, δοκέοντι δὲ ὑγιεῖ εἶναι, κίνδυνόσ ἐστι μᾶλλον ὑπόπυον γενέσθαι ἡ̓̀ν καὶ ἄλλωσ μὴ μέλλᾐ, ἢν καὶ ἡ σὰρξ ἡ περιέχουσα τὸ ὀστέον κακῶσ θεραπεύηται, καὶ φλεγμαίνηται, καὶ περισφίγγηται‧ πυρετῶδεσ γὰρ γίγνεται, καὶ πολλοῦ φλογμοῦ πλέον. Καὶ δὴ τὸ ὀστέον ἐκ τῶν περιεχουσῶν σαρκέων ἐσ ἑωυτὸ θέρμην τε καὶ φλογμὸν καὶ ἄραδον ἐμποιέει καὶ σφυγμὸν, καὶ ὅσα περ ἡ σὰρξ ἔχει κακὰ ἐν ἑωυτέῃ, καὶ ἐκ τουτέων ὧδε ὑπόπυον γίνεται. Κακὸν δὲ καὶ ὑγρήν τε εἶναι τὴν σάρκα ἐν τῷ ἕλκει καὶ μυδῶσαν, καὶ ἐπὶ πολλὸν χρόνον καθαίρεσθαι. Ἀλλὰ χρὴ διάπυον μὲν ποιῆσαι τὸ ἕλκοσ ὡσ τάχιστα‧ οὕτω γὰρ ἂν ἥκιστα φλεγμαίνοι τὰ περιέχοντα τὸ ἕλκοσ, καὶ τάχιστα καθαρὸν εἰή‧ ἀνάγκη γὰρ ἔχει τὰσ σάρκασ τὰσ κοπείσασ καὶ φλασθείσασ ὑπὸ τοῦ βέλεοσ, ὑποπύουσ γενομένασ, ἐκτακῆναι. Ἐπειδὰν δὲ καθαρθῇ, ξηρότερον χρὴ γίγνεσθαι τὸ ἕλκοσ‧ οὕτω γὰρ ἂν τάχιστα ὑγιὲσ γένοιτο, ξηρῆσ σαρκὸσ βλαστούσησ καὶ μὴ ὑγρῆσ, καὶ οὕτωσ οὐκ ἂν ὑπερσαρκήσειε τὸ ἕλκοσ. Ὁ δ’ αὐτὸσ λόγοσ καὶ ὑπὲρ τῆσ μήνιγγοσ τῆσ περὶ τὸν ἐγκέφαλον‧ ἢν γὰρ αὐτίκα ἐκπρίσασ τὸ ὀστέον καὶ ἀφελὼν ἀπὸ τῆσ μήνιγγοσ ψιλώσῃσ, αὐτὴν καθαρὴν χρὴ ποιῆσαι ὡσ τάχιστα καὶ ξηρὴν, ὡσ μὴ ἐπὶ πουλὺν χρόνον ὑγρὴ ἐοῦσα μυδήῃ τε καὶ ἐξαίρηται‧ τούτων γὰρ οὕτω γιγνομένων, σαπῆναι αὐτὴν κίνδυνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 15.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 15.)

상위

목록

SEARCH

MENU NAVIGATION