Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 7.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 7.)

Καὶ ἕδρησ γενομένησ ἐν τῷ ὀστέῳ βέλεοσ, προσγένοιτο ἂν Ῥωγμὴ τῇ ἑδραίῃ‧ φλάσιν προσγενέσθαι ἀναγκαῖόν ἐστιν, ἢ μᾶλλον, ἢ ἧσσον, ἤνπερ καὶ Ῥωγμὴ προσγένηται, ἐνθάπερ ἡ ἕδρη ἐγένετο καὶ ἡ Ῥωγμὴ, καὶ ἐν τῷ ὀστέῳ τῷ περιέχοντι τήν τε ἕδρην καὶ τὴν Ῥωγμήν‧ τέταρτοσ οὗτοσ τρόποσ. Καὶ ἕδρη μὲν ἂν γένοιτο, φλάσιν ἔχουσα τοῦ ὀστέου περὶ αὐτὴν, Ῥωγμὴ δὲ οὐκ ἂν προσγένοιτο τῇ ἕδρῃ καὶ τῇ φλάσει ὑπὸ τοῦ βέλεοσ. Καὶ ἕδρη δὲ τοῦ βέλεοσ γίγνεται ἐν τῷ ὀστέῳ‧ ἕδρη δὲ καλέεται, ὅταν, μένον τὸ ὀστέον ἐν τῇ ἑωυτοῦ φύσει, τὸ βέλοσ στηρίξαν ἐσ τὸ ὀστέον δῆλον ποιήσῃ ὅκου ἐστήριξεν. Ἐν δὲ τῷ τρόπῳ ἑκάστῳ πλέονεσ ἰδέαι γίγνονται‧ καὶ περὶ μὲν φλάσιόσ τε καὶ Ῥωγμῆσ, ἢν ἄμφω ταῦτα προσγένηται τῇ ἕδρῃ, καὶ ἢν φλάσισ μούνη γένηται, ἤδη πέφρασται, ὅτι πολλαὶ ἰδέαι γίνονται καὶ τῆσ φλάσιοσ καὶ τῆσ Ῥωγμῆσ. Ἡ δὲ ἕδρη αὐτὴ ἐφ’ ἑωυτῆσ γίνεται, μακροτέρη καὶ βραχυτέρη ἐοῦσα, καὶ καμπυλωτέρη, καὶ ἰθυτέρη, καὶ κυκλοτερήσ‧ καὶ πολλαὶ ἄλλαι ἰδέαι τοῦ τοιουτέου τρόπου, ὁκοῖον ἄν τι καὶ τὸ σχῆμα τοῦ βέλεοσ ᾖ‧ αὐταὶ δὲ καὶ βαθύτεραι τὸ κάτω καὶ μᾶλλον καὶ ἧσσον, καὶ στενότεραι, καὶ εὐρύτεραι, καὶ πάνυ εὐρέαι. ἣ διακέκοπται διακοπὴ δ’, ὁκοσητισοῦν γιγνομένη μήκεόσ τε καὶ εὐρύτητοσ ἐν τῷ ὀστέῳ, ἕδρη ἐστὶν, ἢν τὰ ἄλλα ὀστέα τὰ περιέχοντα τὴν διακοπὴν μένῃ ἐν τῇ φύσει τῇ ἑωυτέων, καὶ μὴ ξυνεσφλᾶται τῇ διακοπῇ ἔσω ἐκ τῆσ φύσιοσ τῆσ ἑωυτέων‧ οὕτω δ’ ἔσφλασισ ἂν εἰή, καὶ οὐκ ἔτι ἕδρη.

일치하는 문장이 없습니다.

SEARCH

MENU NAVIGATION