Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 12.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 12.)

Ὅταν δὲ τύχῃ ψιλωθὲν τὸ ὀστέον τῆσ σαρκὸσ ὑπὸ τοῦ βέλεοσ, καὶ τύχῃ κατ’ αὐτὰσ τὰσ Ῥαφὰσ γενόμενον τὸ ἕλκοσ, χαλεπὸν γίγνεται καὶ τὴν ἕδρην τοῦ βέλεοσ φράσασθαι τὴν ἐν τῷ ἄλλῳ ὀστέῳ φανερὴν γιγνομένην, εἴτ’ ἔνεστιν ἐν τῷ ὀστέῳ, εἴτε μὴ ἔνεστιν, καὶ ἢν τύχῃ γενομένη ἡ ἕδρη ἐν αὐτέῃσι τῇσι Ῥαφῇσιν. Ξυγκλέπτεται γὰρ αὐτὴ ἡ Ῥαφὴ τρηχυτέρη ἐοῦσα τοῦ ἄλλου ὀστέου, καὶ οὐ διάδηλον ὅ τι τε αὐτοῦ Ῥαφή ἐιν, καὶ ὅ τι τοῦ βέλεοσ ἕδρη, ἢν μὴ κάρτα μεγάλη γένηται ἡ ἕδρη. Προσγίνεται δὲ καὶ Ῥῆξισ τῇ ἕδρῃ ὡσ ἐπὶ τὸ πουλὺ, τῇ ἐν τῇσι Ῥαφῇσι γιγνομένῃ, καὶ γίνεται καὶ αὐτὴ ἡ Ῥήξισ χαλεπωτέρη φράσασθαι, ἐῤῬωγότοσ τοῦ ὀστέου, διὰ τοῦτο, ὅτι κατ’ αὐτὴν τὴν Ῥαφὴν ἡ Ῥῆξισ γίνεται ἢν Ῥηγνύηται, ὡσ ἐπὶ τὸ πουλύ. Ἕτοιμον γὰρ ταύτῃ Ῥήγνυσθαι τὸ ὀστέον καὶ διαχαλᾷν, διὰ τὴν ἀσθένείην τῆσ φύσιοσ τοῦ ὀστέου ταύτῃ καὶ διὰ τὴν ἀραιότητα, καὶ δὴ ἅτε τῆσ Ῥαφῆσ ἑτοίμησ ἐούσησ Ῥήγνυσθαι καὶ διαχαλᾷν‧ τὰ δ’ ἄλλα ὀστέα, τὰ περιέχοντα τὴν Ῥαφὴν, μένει ἀῤῬαγέα, ὅτι ἰσχυρότερά ἐστι τῆσ Ῥαφῆσ. Ἡ δὲ Ῥῆξισ ἡ κατὰ τὴν Ῥαφὴν γινομένη καὶ διαχάλασίσ ἐστι τῆσ Ῥαφῆσ, καὶ φράσασθαι οὐκ εὐμαρὴσ, οὔτε ἢν ὑπὸ ἕδρησ τοῦ βέλεοσ γενομένησ ἐν τῇ Ῥαφῇ Ῥαγῇ καὶ διαχαλάσῃ, οὔτε ἢν, φλασθέντοσ τοῦ ὀστέου κατὰ τὰσ Ῥαφὰσ, Ῥαγῇ καὶ διαχαλάσῃ‧ ἀλλ’ ἔτι χαλεπώτερον φράσασθαι τὴν ἀπὸ τῆσ φλάσιοσ Ῥωγμήν. Ξυγκλέπτουσι γὰρ τὴν γνώμην καὶ τὴν ὄψιν τοῦ ἰητροῦ αὗται αἱ Ῥαφαὶ Ῥωγμοειδέεσ φαινόμεναι, καὶ τρηχύτεραι ἐοῦσαι τοῦ ἄλλου ὀστέου, ὅτι μὴ ἰσχυρῶσ διεκόπη, καὶ διεχάλασεν‧ διακοπὴ δὲ καὶ ἕδρη τωὐτόν ἐστιν. Ἀλλὰ χρὴ, εἰ κατὰ τὰσ Ῥαφὰσ τὸ τρῶμα γένοιτο καὶ πρόσ γε τὸ ὀστέον καὶ ἐσ τὸ ὀστέον στηρίξειε τὸ βέλοσ, προσέχοντα τὸν νόον, ἀνευρίσκειν ὅ τι πέπονθε τὸ ὀστέον. Ἀπὸ γὰρ ἴσων τε βελέων τὸ μέγεθοσ καὶ ὁμοίων, καὶ πολλὸν ἐλασσόνων, καὶ ὁμοίωσ τρωθεὶσ καὶ πολὺ ἧσσον, πολλῷ μέζον ἐκτήσατο τὸ κακὸν ἐν τῷ ὀστέῳ ὁ ἐσ τὰσ Ῥαφὰσ δεξάμενοσ τὸ βέλοσ, ἢ ὁ μὴ ἐσ τὰσ Ῥαφὰσ δεξάμενοσ. Καὶ τουτέων τὰ πολλὰ πρίεσθαι δεῖ‧ ἀλλ’ οὐ χρὴ αὐτὰσ τὰσ Ῥαφὰσ πρίειν, ἀλλ’ ἀποχωρήσαντα ἐν τῷ πλησίον ὀστέῳ τὴν πρίσιν ποιέεσθαι, ἢν πρίῃσ.

일치하는 문장이 없습니다.

SEARCH

MENU NAVIGATION