헬라어 문장 검색 - Ηιπποξ́Οευϝρεσ́12́13́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 13.)

Περὶ δὲ ἰήσιοσ τρωσίων τῶν ἐν τῇ κεφαλῇ, καὶ ὡσ χρὴ ἐξελέγχειν τὰσ πάθασ τὰσ ἐν τῷ ὀστέῳ γινομένασ τὰσ μὴ φανερὰσ, ὧδέ μοι δοκέει. Ἕλκοσ ἐν τῇ κεφαλῇ οὐ χρὴ τέγγειν οὐδενὶ, οὐδὲ οἴνῳ, ἀλλ’ ὡσ ἥκιστα‧ οὐδὲ καταπλάσσειν, οὐδὲ μοτῷ τὴν ἰήσιν ποιέεσθαι, οὐδ’ ἐπιδεῖν χρὴ ἕλκοσ ἐν κεφαλῇ, ἢν μὴ ἐν τῷ μετώπῳ ᾖ τὸ ἕλκοσ, ἐν τῷ ψιλῷ τῶν τριχῶν, ἢ περὶ τὴν ὀφρὺν καὶ τὸν ὀφθαλμόν. Ἐνταῦθα δὲ γινόμενα τὰ ἕλκεα καταπλάσιοσ καὶ ἐπιδέσιοσ μᾶλλον κέχρηται ἤ κου ἄλλοθι τῆσ κεφαλῆσ τῆσ ἄλλησ. Περιέχει γὰρ ἡ κεφαλὴ ἡ ἄλλη τὸ μέτωπον πᾶν‧ ἐκ δὲ τῶν περιεχόντων τὰ ἕλκεα, καὶ ἐν ὅτῳ ἂν ᾖ τὰ ἕλκεα, φλεγμαίνει καὶ ἐπανοιδίσκεται δι’ αἵματοσ ἐπιῤῬοήν. Χρὴ δὲ οὐδὲ τὰ ἐν τῷ μετώπῳ διὰ παντὸσ τοῦ χρόνου καταπλάσσειν καὶ ἐπιδεῖν, ἀλλ’ ἐπειδὰν παύσηται φλεγμαίνοντα, καὶ τὸ οἴδημα καταστῇ, παύσασθαι καταπλάσσοντα καὶ ἐπιδέοντα. Ἐν δὲ τῇ ἄλλῃ κεφαλῇ ἕλκοσ οὔτε μοτοῦν χρὴ, οὔτε καταπλάσσειν, οὔτ’ ἐπιδεῖν, εἰ μὴ καὶ τομῆσ δέοιτο. Τάμνειν δὲ χρὴ τῶν ἑλκέων τῶν ἐν τῇ κεφαλῇ γινομένων, καὶ ἐν τῷ μετώπῳ, ὅκου ἂν τὸ μὲν ὀστέον ψιλὸν ᾖ τῆσ σαρκὸσ, καὶ δοκέῃ τι σίνοσ ἔχειν ὑπὸ τοῦ βέλεοσ, τὰ ἕλκεα μὴ ἱκανὰ τὸ μέγεθοσ τοῦ μήκεοσ καὶ τῆσ εὐρύτητοσ ἐσ τὴν σκέψιν τοῦ ὀστέου, εἴ τι πέπονθεν ὑπὸ τοῦ βέλεοσ κακὸν, καὶ ὁκοῖόν τι πέπονθε, καὶ ὅσον μὲν ἡ σὰρξ πέφλασται, καὶ τὸ ὀστέον ἔχει τὸ σίνοσ, καὶ δ’ αὖ εἰ ἀσινέσ τέ ἐστι τὸ ὀστέον ὑπὸ τοῦ βέλεοσ, καὶ μηδὲν πέπονθε κακὸν, καὶ ἐσ τὴν ἰήσιν, ὁκοίησ τινὸσ δεῖται τό τε ἕλκοσ, ἥ τε σὰρξ, καὶ ἡ πάθη τοῦ ὀστέου. Τὰ δὴ τοιαῦτα τῶν ἑλκέων τομῆσ δεῖται. Καὶ ἂν μὲν τὸ ὀστέον ψιλωθῇ τῆσ σαρκὸσ, ὑπόκοιλα δὲ ᾖ ἐσ πλάγιον ἐπιπολὺ, ἐπανατάμνειν τὸ κοῖλον, ὅκου μὴ εὐχερὲσ τῷ φαρμάκῳ ἐφικέσθαι, ὁκοίῳ ἄν τινι χρῇ‧ καὶ τὰ κυκλοτερέα τῶν ἑλκέων καὶ ὑπόκοιλα ἐπὶ πουλὺ καὶ τὰ τοιαῦτα, ἐπανατάμνων τὸν κύκλον διχῆ κατὰ μῆκοσ, ὡσ πέφυκεν ὥνθρωποσ, μακρὸν ποιέειν τὸ ἕλκοσ. Τάμνοντι δὲ κεφαλὴν, τὰ μὲν ἄλλα τῆσ κεφαλῆσ ἀσφαλείην ἔχει ταμνόμενα‧ ὁ δὲ κρόταφοσ, καὶ ἄνωθεν ἔτι τοῦ κροτάφου, κατὰ τὴν φλέβα τὴν διὰ τοῦ κροτάφου φερομένην, τοῦτο δὲ τὸ χωρίον μὴ τάμνειν. Σπασμὸσ γὰρ ἐπιλαμβάνει τὸν τμηθέντα‧ καὶ ἢν μὲν ἐπ’ ἀριστερὰ τμηθῇ κροτάφου, τὰ ἐπὶ δεξιὰ ὁ σπασμὸσ ἐπιλαμβάνει‧ ἢν δ’ ἐπὶ τὰ δεξιὰ τμηθῇ κροτάφου, τὰ ἐπ’ ἀριστερὰ ὁ σπασμὸσ ἐπιλαμβάνει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 13.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 13.)

상위

목록

SEARCH

MENU NAVIGATION