헬라어 문장 검색 - Ηιπποξ́Οευϝρεσ́12́12́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 12.)

Ὅταν δὲ τύχῃ ψιλωθὲν τὸ ὀστέον τῆσ σαρκὸσ ὑπὸ τοῦ βέλεοσ, καὶ τύχῃ κατ’ αὐτὰσ τὰσ Ῥαφὰσ γενόμενον τὸ ἕλκοσ, χαλεπὸν γίγνεται καὶ τὴν ἕδρην τοῦ βέλεοσ φράσασθαι τὴν ἐν τῷ ἄλλῳ ὀστέῳ φανερὴν γιγνομένην, εἴτ’ ἔνεστιν ἐν τῷ ὀστέῳ, εἴτε μὴ ἔνεστιν, καὶ ἢν τύχῃ γενομένη ἡ ἕδρη ἐν αὐτέῃσι τῇσι Ῥαφῇσιν. Ξυγκλέπτεται γὰρ αὐτὴ ἡ Ῥαφὴ τρηχυτέρη ἐοῦσα τοῦ ἄλλου ὀστέου, καὶ οὐ διάδηλον ὅ τι τε αὐτοῦ Ῥαφή ἐιν, καὶ ὅ τι τοῦ βέλεοσ ἕδρη, ἢν μὴ κάρτα μεγάλη γένηται ἡ ἕδρη. Προσγίνεται δὲ καὶ Ῥῆξισ τῇ ἕδρῃ ὡσ ἐπὶ τὸ πουλὺ, τῇ ἐν τῇσι Ῥαφῇσι γιγνομένῃ, καὶ γίνεται καὶ αὐτὴ ἡ Ῥήξισ χαλεπωτέρη φράσασθαι, ἐῤῬωγότοσ τοῦ ὀστέου, διὰ τοῦτο, ὅτι κατ’ αὐτὴν τὴν Ῥαφὴν ἡ Ῥῆξισ γίνεται ἢν Ῥηγνύηται, ὡσ ἐπὶ τὸ πουλύ. Ἕτοιμον γὰρ ταύτῃ Ῥήγνυσθαι τὸ ὀστέον καὶ διαχαλᾷν, διὰ τὴν ἀσθένείην τῆσ φύσιοσ τοῦ ὀστέου ταύτῃ καὶ διὰ τὴν ἀραιότητα, καὶ δὴ ἅτε τῆσ Ῥαφῆσ ἑτοίμησ ἐούσησ Ῥήγνυσθαι καὶ διαχαλᾷν‧ τὰ δ’ ἄλλα ὀστέα, τὰ περιέχοντα τὴν Ῥαφὴν, μένει ἀῤῬαγέα, ὅτι ἰσχυρότερά ἐστι τῆσ Ῥαφῆσ. Ἡ δὲ Ῥῆξισ ἡ κατὰ τὴν Ῥαφὴν γινομένη καὶ διαχάλασίσ ἐστι τῆσ Ῥαφῆσ, καὶ φράσασθαι οὐκ εὐμαρὴσ, οὔτε ἢν ὑπὸ ἕδρησ τοῦ βέλεοσ γενομένησ ἐν τῇ Ῥαφῇ Ῥαγῇ καὶ διαχαλάσῃ, οὔτε ἢν, φλασθέντοσ τοῦ ὀστέου κατὰ τὰσ Ῥαφὰσ, Ῥαγῇ καὶ διαχαλάσῃ‧ ἀλλ’ ἔτι χαλεπώτερον φράσασθαι τὴν ἀπὸ τῆσ φλάσιοσ Ῥωγμήν. Ξυγκλέπτουσι γὰρ τὴν γνώμην καὶ τὴν ὄψιν τοῦ ἰητροῦ αὗται αἱ Ῥαφαὶ Ῥωγμοειδέεσ φαινόμεναι, καὶ τρηχύτεραι ἐοῦσαι τοῦ ἄλλου ὀστέου, ὅτι μὴ ἰσχυρῶσ διεκόπη, καὶ διεχάλασεν‧ διακοπὴ δὲ καὶ ἕδρη τωὐτόν ἐστιν. Ἀλλὰ χρὴ, εἰ κατὰ τὰσ Ῥαφὰσ τὸ τρῶμα γένοιτο καὶ πρόσ γε τὸ ὀστέον καὶ ἐσ τὸ ὀστέον στηρίξειε τὸ βέλοσ, προσέχοντα τὸν νόον, ἀνευρίσκειν ὅ τι πέπονθε τὸ ὀστέον. Ἀπὸ γὰρ ἴσων τε βελέων τὸ μέγεθοσ καὶ ὁμοίων, καὶ πολλὸν ἐλασσόνων, καὶ ὁμοίωσ τρωθεὶσ καὶ πολὺ ἧσσον, πολλῷ μέζον ἐκτήσατο τὸ κακὸν ἐν τῷ ὀστέῳ ὁ ἐσ τὰσ Ῥαφὰσ δεξάμενοσ τὸ βέλοσ, ἢ ὁ μὴ ἐσ τὰσ Ῥαφὰσ δεξάμενοσ. Καὶ τουτέων τὰ πολλὰ πρίεσθαι δεῖ‧ ἀλλ’ οὐ χρὴ αὐτὰσ τὰσ Ῥαφὰσ πρίειν, ἀλλ’ ἀποχωρήσαντα ἐν τῷ πλησίον ὀστέῳ τὴν πρίσιν ποιέεσθαι, ἢν πρίῃσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 12.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 12.)

상위

목록

SEARCH

MENU NAVIGATION