헬라어 문장 검색 - Ηιπποξ́Οευϝρεσ́12́11́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 11.)

Ῥήγνυται δὲ τὸ ὀστέον τάσ τε ἀφανέασ Ῥωγμὰσ καὶ τὰσ φανερὰσ, καὶ φλᾶται τὰσ ἀφανέασ φλάσιασ, καὶ ἐσφλᾶται ἔσω ἐκ τῆσ φύσιοσ τῆσ ἑωυτέου, μάλιστα ὅταν ἕτεροσ ὑφ’ ἑτέρου τιτρωσκόμενοσ ἐπίτηδεσ τρωθῇ, ἢ ὁκόταν, ἐπίτηδεσ τρῶσαι βουλόμενοσ ἢ ἀέκων, ἐξ ὑψηλοτέρου γίγνηται ἡ βολὴ ἢ ἡ πληγὴ, ὁκοτέρη ἂν ᾖ μᾶλλον, ἢ ὅταν ἐξ ἰσοπέδου τοῦ χωρίου, καὶ ἢν περικρατέῃ τῇ χειρὶ τὸ βέλοσ, ἤν τε βάλλῃ, ἤν τε τύπτῃ, καὶ ἰσχυρότεροσ ἐὼν ἀσθενέστερον τιτρώσκῃ. Ὅσοι δὲ πίπτοντεσ τιτρώσκονται πρόσ τε τὸ ὀστέον καὶ αὐτὸ τὸ ὀστέον, ὁ ἀπὸ ὑψηλοτάτου πίπτων καὶ ἐπὶ σκληρότατον καὶ ἀμβλύτατον, τουτέῳ κίνδυνοσ τὸ ὀστέον Ῥαγῆναι καὶ φλασθῆναι, καὶ ἔσω ἑσφλασθῆναι ἐκ τῆσ φύσιοσ τῆσ ἑωυτέου‧ τῷ δ’ ἐξ ἰσοπέδου μᾶλλον χωρίου πίπτοντι καὶ ἐπὶ μαλθακώτερον, ἧσσον ταῦτα πάσχει τὸ ὀστέον, ἢ οὐκ ἂν πάθοι. Ὅσα δὲ ἐσπίπτοντα ἐσ τὴν κεφαλὴν βέλεα τιτρώσκει πρὸσ τὸ ὀστέον καὶ αὐτὸ τὸ ὀστέον, τὸ ἀπὸ ὑψηλοτάτου ἐμπεσὸν καὶ ἥκιστα ἐξ ἰσοπέδου, καὶ σκληρότατόν τε ἅμα καὶ ἀμβλύτατον καὶ βαρύτατον, καὶ ἥκιστα κοῦφον καὶ ἥκιστα ὀξὺ καὶ μαλθακὸν, τοῦτο ἂν Ῥήξειε τὸ ὀστέον καὶ φλάσειεν. Καὶ μάλιστά γε ταῦτα πάσχειν τὸ ὀστέον κίνδυνοσ, ὅταν ταῦτά τε γίνηται, καὶ ἐσ ἰθὺ τρωθῇ, καὶ κατ’ ἀντίον γένηται τὸ ὀστέον τοῦ βέλεοσ, ἤν τε πληγῇ ἐκ χειρὸσ, ἤν τε βληθῇ, ἤν τέ τι ἐμπέσῃ αὐτέῳ, καὶ ἢν αὐτὸσ καταπεσὼν τρωθῇ, καὶ ὁκωσοῦν τρωθεὶσ κατ’ ἀντίον γενομένου τοῦ ὀστέου τῷ βέλει. Τὰ δ’ ἐσ πλάγιον τοῦ ὀστέου παρασύραντα βέλεα ἧσσον καὶ Ῥήγνυσι τὸ ὀστέον, καὶ φλᾷ, καὶ ἔσω ἐσφλᾷ, κἢν ψιλωθῇ τὸ ὀστέον τῆσ σαρκόσ‧ ἔνια γὰρ τῶν τρωμάτων τῶν οὕτω τρωθέντων οὐδὲ ψιλοῦται τὸ ὀστέον τῆσ σαρκόσ. Τῶν δὲ βελέων Ῥήγνυσι μάλιστα τὸ ὀστέον τάσ τε φανερὰσ Ῥωγμὰσ καὶ τὰσ ἀφανέασ, καὶ φλᾶται καὶ ἐσφλᾷ ἔσω ἐκ τῆσ φύσιοσ τῆσ ἑωυτέου τὸ ὀστέον, τὰ στρογγύλα τε καὶ περιφερέα, καὶ ἀρτίστομα, ἀμβλέα τε ἐόντα καὶ βαρέα καὶ σκληρά‧ καὶ τὴν σάρκα ταῦτα φλᾶται, καὶ πέπειρον ποιέει, καὶ κόπτει‧ καὶ τὰ ἕλκεα γίνεται ὑπὸ τῶν τοιουτέων βελέων, ἔσ τε πλάγιον καὶ ἐν κύκλῳ, ὑπόκοιλα, καὶ διάπυά τε μᾶλλον γίγνεται, καὶ ὑγρά ἐστι, καὶ ἐπὶ πλέονα χρόνον καθαίρεται‧ ἀνάγκη γὰρ τὰσ σάρκασ τὰσ φλασθείσασ καὶ κοπείσασ πῦον γενομένασ ἐκτακῆναι. Τὰ δὲ βέλεα τὰ προμήκεα, ἐπιπολὺ λεπτὰ ἐόντα καὶ ὀξέα καὶ κοῦφα, τήν τε σάρκα διατάμνει μᾶλλον ἢ φλᾷ, καὶ τὸ ὀστέον ὡσαύτωσ‧ καὶ ἕδρην μὲν ἐμποιέει αὐτὸ καὶ διακόψαν ̔διακοπὴ γὰρ καὶ ἕδρη τωὐτόν ἐστἰ, φλᾷ δὲ οὐ μάλα τὸ ὀστέον τὰ τοιαῦτα βέλεα, οὐδὲ Ῥήγνυσιν, οὐδ’ ἐκ τῆσ φύσιοσ ἔσω ἐσφλᾷ. Ἀλλὰ χρὴ πρὸσ τῇ ὄψει τῇ ἑωυτέου, ὅ τι ἄν σοι φαίνηται ἐν τῷ ὀστέῳ, καὶ ἐρώτησιν ποιέεσθαι πάντων τουτέων ̔τοῦ γὰρ μᾶλλόν τε καὶ ἧσσον τρωθέντοσ ταῦτ’ ἐστὶ σημήϊἀ, καὶ ἢν ὁ τρωθεὶσ καρωθῇ, καὶ σκότοσ περιχυθῇ, καὶ δῖνοσ ἔχῃ, καὶ πέσῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 11.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 11.)

상위

목록

SEARCH

MENU NAVIGATION