헬라어 문장 검색 - Ηιπποξ́Οευϝρεσ́12́10́0́

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 10.)

Πρῶτον δὲ χρὴ τὸν τρωματίην σποπεῖσθαι, ὅπη ἔχει τὸ τρῶμα τῆσ κεφαλῆσ, ἐἴτ’ ἐν τοῖσιν ἰσχυροτέροισιν, εἴτ’ ἐν τοῖσιν ἀσθενεστέροισι, καὶ τὰσ τρίχασ καταμανθάνειν τὰσ περὶ τὸ ἕλκοσ, εἰ διακεκόφαται ὑπὸ τοῦ βέλεοσ, καὶ εἰ ἔσω ἠί̈σαν ἐσ τὸ τρῶμα‧ καὶ ἢν τοῦτο ᾖ, φάναι κινδυνεύειν τὸ ὀστέον ψιλὸν εἶναι τῆσ σαρκὸσ, καὶ ἔχειν τι σίνοσ τὸ ὀστέον ὑπὸ τοῦ βέλεοσ. Ταῦτα μὲν οὖν χρὴ ἀπόπροσθεν σκεψάμενον λέξαι, μὴ ἁπτόμενον τοῦ ἀνθρώπου‧ ἁπτόμενον δ’ ἤδη πειρᾶσθαι εἰδέναι σάφα, εἴ ἐστι ψιλὸν τὸ ὀστέον τῆσ σαρκὸσ, ἢ οὔ‧ καὶ ἢν μὲν καταφανὲσ ᾖ τοῖσιν ὀφθαλμοῖσι τὸ ὀστέον ψιλόν‧ εἰ δὲ μὴ, τῇ μήλῃ σκέπτεσθαι. Καὶ ἢν μὲν εὑρ́ῃσ ψιλὸν ἐὸν τὸ ὀστέον τῆσ σαρκὸσ, καὶ μὴ ὑγιὲσ ἀπὸ τοῦ τρώματοσ, χρὴ τοῦ ἐν τῷ ὀστέῳ ἐόντοσ τὴν διάγνωσιν πρῶτα ποιέεσθαι, ὁρέοντα ὅσον τέ ἐστι τὸ κακὸν, καὶ τίνοσ δεῖται ἔργου. Χρὴ δὲ καὶ ἐρωτᾷν τὸν τετρωμένον, ὅκωσ ἔπαθε καὶ τίνα τρόπον. Ἢν δὲ μὴ καταφανὲσ ᾖ τὸ ὀστέον, εἰ ἔχει τι κακὸν ἢ μὴ ἔχει, πολλῷ ἔτι χρὴ μᾶλλον τὴν ἐρώτησιν ποιέεσθαι, ψιλοῦ ἐόντοσ τοῦ ὀστέου, τὸ τρῶμα ὅκωσ ἐγένετο, καὶ ὅντινα τρόπον‧ τὰσ γὰρ φλάσιασ καὶ τὰσ Ῥωγμὰσ τὰσ οὐ φαινομένασ ἐν τῷ ὀστέῳ, ἐνεούσασ δὲ, ἐκ τῆσ ὑποκρίσιοσ τοῦ τετρωμένου πρῶτον διαγινώσκειν πειρῆσθαι, εἴ τι πέπονθε τουτέων τὸ ὀστέον ἢ οὐ πέπονθεν, ἔπειτα δὲ καὶ λόγῳ καὶ ἔργῳ ἐξελέγχειν πλὴν μηλώσιοσ. Μήλωσισ γὰρ οὐκ ἐξελέγχει, εἰ πέπονθέ τι τουτέων τῶν κακῶν τὸ ὀστέον, καὶ εἴ τι ἔχει ἐν ἑωυτέῳ, ἢ οὐ πέπονθεν‧ ἀλλ’ ἕδρην τε τοῦ βέλεοσ ἐξελέγχει μήλωσισ, καὶ ἢν ἐμφλασθῇ τὸ ὀστέον ἔσω ἐκ τῆσ φύσιοσ τῆσ ἑωυτέου, καὶ ἢν ἰσχυρῶσ Ῥαγῇ τὸ ὀστέον, ἅπερ καὶ τοῖσιν ὀφθαλμοῖσι καταφανέα ἐστὶν ὁρῶντα γιγνώσκειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 10.

(히포크라테스, Oeuvres Completes D'Hippocrate., ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ., 10.)

상위

목록

SEARCH

MENU NAVIGATION