헬라어 문장 검색 - Ηιπποξ́Οευϝρεσ́06́52́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 52.)

Οἷσι μὲν ἂν οὖν ἐκπεσὼν μὴ ἐμπέσῃ, ἀλλὰ καταπορηθῇ καὶ ἀμεληθῇ, ἥ τε ὁδοιπορίη περιφοράδην τοῦ σκέλεοσ ὥσπερ τοῖσι βουσὶ γίνεται, καὶ ἡ ὄχησισ πλείστη αὐτέοισιν ἐπὶ τοῦ ὑγιέοσ σκέλεόσ ἐστιν. Καὶ ἀναγκάζονται κατὰ τὸν κενεῶνα καὶ κατὰ τὸ ἄρθρον τὸ ἐκπεπτωκὸσ κοῖλοι καὶ σκολιοὶ εἶναι‧ κατὰ δὲ τὸ ὑγιὲσ ἐσ τὸ ἔξω ὁ γλουτὸσ ἀναγκάζεται περιφερὴσ εἶναι‧ εἰ γάρ τισ ἔξω τῷ ποδὶ τοῦ ὑγιέοσ σκέλεοσ βαίνοι, ἀπωθοίη ἂν τὸ σῶμα τὸ ἄλλο ἐσ τὸ σιναρὸν σκέλοσ τὴν ὄχησιν ποιέεσθαι‧ τὸ δὲ σιναρὸν‧ οὐκ ἂν δύναιτο ὀχέειν‧ πῶσ γάρ; ἀναγκάζεται οὖν οὕτω κατὰ τοῦ ὑγιέοσ σκέλεοσ τῷ ποδὶ ἔσω βαίνειν, ἀλλὰ μὴ ἔξω‧ οὕτω γὰρ ὀχέει μάλιστα τὸ σκέλοσ τὸ ὑγιὲσ, καὶ τὸ ἑωυτοῦ μέροσ τοῦ σώματοσ, καὶ τὸ τοῦ σιναροῦ σκέλεοσ μέροσ. Κοιλαινόμενοι δὲ κατὰ τὸν κενεῶνα καὶ κατὰ τὰ ἄρθρα, μικροὶ φαίνονται, καὶ τῷ ξύλῳ ἀναγκάζονται ἀντερείδεσθαι πλάγιοι κατὰ τὸ ὑγιὲσ σκέλοσ‧ δέονται γὰρ ἀντικοντώσιοσ ταύτῃ‧ ἐπὶ τοῦτο γὰρ οἱ γλουτοὶ Ῥέπουσι, καὶ τὸ ἄχθοσ τοῦ σώματοσ ὀχεεται ἐπὶ τοῦτο. Ἀναγκάζονται δὲ καὶ ἐπικύπτειν‧ τὴν γὰρ χεῖρα τὴν κατὰ τὸ σκέλοσ τὸ σιναρὸν ἀναγκάζονται κατὰ πλάγιον τὸν μηρὸν ἐρείδειν‧ οὐ γὰρ δύναται τὸ σιναρὸν σκέλοσ ὀχέειν τὸ σῶμα ἐν τῇ μεταλλαγῇ τῶν σκελέων, ἢν μὴ κατέχηται πρὸσ τὴν γῆν πιεζόμενον. Ἐν τούτοισιν οὖν τοῖσι σχήμασιν ἀναγκάζονται ἐσχηματίσθαι, οἷσιν ἂν ἔσω ἐκβὰν τὸ ἄρθρον μὴ ἐμπέσῃ, οὐ προβουλεύσαντοσ τοῦ ἀνθρώπου, ὅκωσ ἂν Ῥήϊστα ἐσχηματισμένον ἐῄ, ἀλλ’ αὐτὴ ἡ ξυμφορὴ διδάσκει ἐκ τῶν παρεόντων τὰ Ῥήϊστα αἱρέεσθαι. Ἐπεὶ καὶ ὁκόσοι ἕλκοσ ἔχοντεσ ἐν ποδὶ ἢ κνήμῃ οὐ κάρτα δύνανται ἐπιβαίνειν τῷ σκέλεϊ, πάντεσ, καὶ οἱ νήπιοι, οὕτωσ ὁδοιπορέουσιν‧ ἔξω γὰρ βαίνουσι τῷ σιναρῷ σκέλεϊ‧ καὶ δισσὰ κερδαίνουσι, δισσῶν γὰρ δέονται‧ τό τε γὰρ σῶμα οὐκ ὀχέεται ὁμοίωσ ἐπὶ τοῦ ἔξω ἀποβαινομένου, ὥσπερ ἐπὶ τοῦ εἴσω‧ οὐδὲ γὰρ κατ’ ἰθυωρίην αὐτῷ γίνεται τὸ ἄχθοσ, ἀλλὰ πολλῷ μᾶλλον ἐπὶ τοῦ ὑποβαινομένου‧ κατ’ ἰθυωρίην γὰρ αὐτῷ γίνεται τὸ ἄχθοσ ἔν τε αὐτῇ τῇ ὁδοιπορίῃ καὶ τῇ μεταλλαγῇ τῶν σκελέων. Ἐν τούτῳ τῷ σχήματι τάχιστα ἂν δύναιτο ὑποτιθέναι τὸ ὑγιὲσ σκέλοσ, εἰ τῷ μὲν σιναρῷ ἐξωτέρω βαίνοι, τῷ δὲ ὑγιέϊ ἐσωτέρω. Περὶ οὗ οὖν ὁ λόγοσ, ἀγαθὸν εὑρίσκεσθαι αὐτὸ ἑωυτῷ τὸ σῶμα [ἐσ] τὰ Ῥήϊστα τῶν σχημάτων. Ὅσοισι μὲν οὖν μήπω τετελειωμένοισιν ἐσ αὔξησιν ἐκπεσὼν μὴ ἐμπέσοι, γυιοῦται ὁ μηρὸσ καὶ ἡ κνήμη καὶ ὁ πούσ‧ οὔτε γὰρ τὰ ὀστέα ἐσ τὸ μῆκοσ ὁμοίωσ αὔξεται, ἀλλὰ βραχύτερα γίνεται, μάλιστα δὲ τὸ τοῦ μηροῦ, ἄσαρκόν τε ἅπαν τὸ σκέλοσ καὶ ἄμυον καὶ ἐκτεθηλυσμένον καὶ λεπτότερον γίνεται, ἅμα μὲν, διὰ τὴν στέρησιν τῆσ χώρησ τοῦ ἄρθρου, ἅμα δὲ, ὅτι ἀδύνατον χρέεσθαί ἐστιν, ὅτι οὐ κατὰ φύσιν κέεται‧ χρῆσισ γὰρ μετεξετέρη Ῥύεται τῆσ ἄγαν ἐκθηλύνσιοσ‧ Ῥύεται δέ τι καὶ τῆσ ἐπὶ μῆκοσ ἀναυξήσιοσ. Κακοῦται μὲν οὖν μάλιστα, οἷσιν ἂν ἐν γαστρὶ ἐοῦσιν ἐξαρθρήσῃ τοῦτο τὸ ἄρθρον, δεύτερον δὲ, οἷσιν ἂν ὡσ νηπιωτάτοισιν ἐοῦσιν, ἥκιστα δὲ τοῖσι τετελειωμένοισιν. Τοῖσι μὲν οὖν τετελειωμένοισιν εἴρηται, οἱή τισ ἡ ὁδοιπορίη γίνεται‧ οἷσι δ’ ἂν νηπίοισιν ἐοῦσιν ἡ ξυμφορὴ αὕτη γένηται, οἱ μὲν πλεῖστοι καταβλακεύουσι τὴν διόρθωσιν τοῦ σώματοσ, ἀλλὰ κακῶσ εἰλέονται ἐπὶ τὸ ὑγιὲσ σκέλοσ, τῇ χειρὶ πρὸσ τὴν γῆν ἀπερειδόμενοι τῇ κατὰ τὸ ὑγιὲσ σκέλοσ‧ καταβλακεύουσι δὲ ἔνιοι τὴν ἐσ τὸ ὀρθὸν ὁδοιπορίην, καὶ οἷσιν ἂν τετελειωμένοισιν αὕτη ἡ ξυμφορὴ γένηται. Ὁκόσοι δ’ ἂν νήπιοι ἐόντεσ, ταύτῃ τῇ ξυμφορῇ χρησάμενοι, ὀρθῶσ παιδαγωγηθῶσι, τῷ μὲν ὑγιέϊ σκέλεϊ χρέονται ἐσ ὀρθὸν, ὑπὸ δὲ τὴν μασχάλην τὴν κατὰ τὸ ὑγιὲσ σκέλοσ σκίπωνα περιφέρουσι, μετεξέτεροι δὲ, καὶ ὑπ’ ἀμφοτέρασ τὰσ χεῖρασ‧ τὸ δὲ σιναρὸν σκέλοσ μετέωρον ἔχουσι, καὶ τοσούτῳ Ῥηί̈ουσ εἰσὶν, ὅσῳ ἂν αὐτοῖσιν ἔλασσον τὸ σκέλοσ τὸ σιναρὸν ἐῄ‧ τὸ δὲ ὑγιὲσ ἰσχύει αὐτέοισιν οὐδὲν ἧσσον, ἢ εἰ καὶ ἀμφότερα ὑγιέα ἦν. Θηλύνονται δὲ πᾶσι τοῖσι τοιούτοισιν αἱ σάρκεσ τοῦ σκέλεοσ, μᾶλλον δέ τι θηλύνονται αἱ ἐκ τοῦ ἔξω μέρεοσ, ἢ αἱ ἐκ τοῦ ἔσω ὡσ ἐπὶ πολύ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 52.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 52.)

상위

목록

SEARCH

MENU NAVIGATION