헬라어 문장 검색 - Ηιπποξ́Οευϝρεσ́06́77́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 77.)

Εὐδοκιμέει δὲ δὴ καὶ ἀσκῷ τοῦτο τὸ ἄρθρον ἐμβάλλεσθαι‧ καὶ ἤδη μέν τινασ εἶδον, οἵτινεσ ὑπὸ φαυλότητοσ καὶ τὰ ἔξω ἐκκεκλιμένα καὶ τὰ ὄπισθεν ἀσκῷ ἐπειρῶντο ἐμβάλλειν, οὐ γινώσκοντεσ, ὅτι ἐξέβαλλον αὐτὸ μᾶλλον, ἢ ἐνέβαλλον‧ ὁ μέντοι πρῶτοσ ἐπινοήσασ δῆλον ὅτι πρὸσ τὰ ἔσω ὠλισθηκότα, ἀσκῷ ἐμβάλλειν ἐπειρήσατο. Ἐπίστασθαι μὲν οὖν χρὴ, ὡσ χρηστέον ἀσκῷ, εἰ δέοι χρέεσθαι, διαγινώσκειν δὲ χρὴ, ὅτι ἕτερα πολλὰ ἀσκοῦ κρέσσω ἐστίν‧ χρὴ δὲ τὸν μὲν ἀσκὸν κατατιθέναι ἐσ τοὺσ μηροὺσ ἀφύσητον ἐόντα, ὡσ ἂν δύναιτο, ἀνωτάτω πρὸσ τὸν περίνεον ἀνάγοντα‧ ἀπὸ δὲ τῶν ἐπιγουνίδων ἀρξάμενον, ταινίῃ πρὸσ ἀλλήλουσ τοὺσ μηροὺσ καταδῆσαι ἄχρι τοῦ ἡμίσεοσ τῶν μηρῶν‧ ἔπειτα ἐσ ἕνα τῶν ποδῶν, τὸν λελυμένον, ἐνθέντα αὐλὸν ἐκ χαλκείου, φῦσαν ἐσαναγκάζειν ἐσ τὸν ἀσκόν‧ τὸν δὲ ἄνθρωπον πλάγιον κατακέεσθαι. τὸ σιναρὸν σκέλοσ ἐπιπολῆσ ἔχοντα. Ἡ μὲν οὖν παρασκευὴ αὕτη ἐστίν‧ σκευάζονται δὲ κάκιον οἱ πλεῖστοι, ἢ ὡσ ἐγὼ εἴρηκα‧ οὐ γὰρ καταδέουσι τοὺσ μηροὺσ ἐπὶ συχνὸν, ἀλλὰ μοῦνον τὰ γούνατα. οὐδὲ κατατείνουσι, χρὴ δὲ καὶ προσκατατείνειν‧ ὅμωσ δὲ ἤδη τινὲσ ἐνέβαλον, Ῥηϊδίου πρήγματοσ ἐπιτυχόντεσ. Εὐφόρωσ δὲ οὐ πάνυ ἔχει διαναγκάζεσθαι οὕτωσ‧ ὅ τε γὰρ ἀσκὸσ, ἐμφυσώμενοσ, οὐ τὰ ὀγκηρότατα αὐτοῦ ἔχει πρὸσ τῷ ἄρθρῳ τῆσ κεφαλῆσ, ἣν δεῖ μάλιστα ἐκμοχλεύσασθαι, ἀλλὰ κατὰ ἑωυτὸν αὐτὸσ μέσοσ, καὶ τῶν μηρῶν ἴσωσ ἢ κατὰ τὸ μέσον ἢ ἔτι κατωτέρω‧ οἵ τε αὖ μηροὶ φύσει γαυσοὶ πεφύκασιν, ἄνωθεν γὰρ σαρκώδεέσ τε καὶ ξύμμηροι, ἐσ δὲ τὸ κάτω ὑπόξηροι, ὥστε καὶ ἡ τῶν μηρῶν φύσισ ἀπαναγκάζει τὸν ἀσκὸν ἀπὸ τοῦ ἐπικαιροτάτου χωρίου. Εἴ τε οὖν τισ μικρὸν ἐνθήσει τὸν ἀσκὸν, μικρὴ ἡ ἰσχὺσ ἐοῦσα ἀδύνατοσ ἔσται ἀναγκάζειν τὸ ἄρθρον. Εἰ δὲ δεῖ ἀσκῷ χρέεσθαι, ἐπὶ πουλὺ οἱ μηροὶ ξυνδετέοι πρὸσ ἀλλήλουσ, καὶ ἅμα τῇ‧ κατατάσει τοῦ σώματοσ ὁ ἀσκὸσ φυσητέοσ‧ τὰ δὲ σκέλεα ἀμφότερα ὁμοῦ καὶ καταδέειν ἐν τούτῳ τῷ τρόπῳ τῆσ ἐμβολῆσ ἐπὶ τὴν τελευτήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 77.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 77.)

상위

목록

SEARCH

MENU NAVIGATION