Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 9.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 9.)

Οἷσι μὲν οὖν, ὅταν ἐμπέσῃ τὸ ἄρθρον, μὴ ἐπιφλεγμαίνει τὰ περιέχοντα, χρῆσθαί τε ἀνωδύνωσ αὐτίκα τῷ ὤμῳ δύνανται, οὗτοι μὲν οὐδὲν νομίζουσι δεῖν ἑωυτῶν ἐπιμελέεσθαι‧ ἰητροῦ μήν ἐστι καταμαντεύσασθαι τῶν τοιούτων‧ τοῖσι τοιούτοισι γὰρ ἐκπίπτει καὶ αὖθισ μᾶλλον, ἢ οἷσιν ἂν ἐπιφλεγμήνῃ τὰ νεῦρα. Τοῦτο κατὰ πάντα τὰ ἄρθρα οὕτωσ ἔχει, καὶ μάλιστα κατ’ ὦμον καὶ κατὰ γόνυ‧ μάλιστα γὰρ οὖν ὀλισθάνει ταῦτα. Οἷσι δ’ ἂν ἐπιφλεγμήνῃ τὰ νεῦρα, οὐ δύνανται χρέεσθαι τῷ ὤμῳ‧ κωλύει γὰρ ἡ ὀδύνη καὶ ἡ ξύντασισ τῆσ φλεγμονῆσ. Τοὺσ οὖν τοιούτουσ ἰῆσθαι χρὴ κηρωτῇ καὶ σπλήνεσι καὶ ὀθονίοισι πολλοῖσιν ἐπιδέοντα‧ ὑποτιθέναι δὲ ἐσ τὴν μασχάλην εἴριον μαλθακὸν, καθαρὸν ξυνειλίσσοντα, ἐκπλήρωμα τοῦ κοίλου ποιέοντα, ἵνα ἀντιστήριγμα μὲν τῇ ἐπιδέσει ἐῄ, ἀνακωχέῃ δὲ τὸ ἄρθρον‧ τὸν δὲ βραχίονα ἐσ τὸ ἄνω Ῥέποντα ἴσχειν χρὴ τὰ πλεῖστα‧ οὕτω γὰρ ἂν ἑκαστάτω εἰή τοῦ χωρίου, ἐσ ὃ ὤλισθεν ἡ κεφαλὴ τοῦ ὤμου. Χρὴ δὲ, ὅταν ἐπιδησῃσ τὸν ὦμον, ἔπειτα προσκαταδεῖν τὸν βραχίονα πρὸσ τὰσ πλευρὰσ ταινίῃ τινὶ, κύκλῳ περὶ τὸ σῶμα περιβάλλοντα. Χρὴ δὲ καὶ ἀνατρίβειν τὸν ὦμον ἡσυχαίωσ καὶ λιπαρῶσ. Πολλῶν δὲ ἔμπειρον δεῖ εἶναι τὸν ἰητρὸν, ἀτὰρ δὴ καὶ ἀνατρίψιοσ‧ ἀπὸ γὰρ τοῦ αὐτέου ὀνόματοσ οὐ τωὐτὸ ἀποβαίνει‧ καὶ γὰρ ἂν δήσειεν ἄρθρον ἀνάτριψισ, χαλαρώτερον τοῦ καιροῦ ἐὸν, καὶ λύσειεν ἄρθρον, σκληρότερον τοῦ καιροῦ ἐόν‧ ἀλλὰ διοριεῖται ἡμῖν περὶ ἀνατρίψιοσ ἐν ἄλλῳ λόγῳ. Τὸν γοῦν τοιοῦτον ὦμον μαλθακῇσι ξυμφέρει τῇσι χερσὶν ἀνατρίβειν, καὶ ἄλλωσ πρηέωσ‧ τὸ δὲ ἄρθρον διακινέειν μὴ βίῃ, ἀλλὰ τοσοῦτον, ὅσον ἀνωδύνωσ κινῆσαι. Καθίσταται δὲ πάντα, τὰ μὲν ἐν πλείονι χρόνῳ, τὰ δ’ ἐν ἐλάσσονι.

일치하는 문장이 없습니다.

SEARCH

MENU NAVIGATION