헬라어 문장 검색 - Ηιπποξ́Οευϝρεσ́06́49́0́

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 49.)

Πολλὰ δὲ καὶ ἄλλα ἐν ἰητρικῇ ἄν τισ θεάσοιτο, ὧν τὰ μὲν ἰσχυρὰ ἀσινέα ἐστὶ, καὶ καθ’ ἑωυτὰ τὴν κρίσιν ὅλην λαμβάνοντα τοῦ νουσήματοσ, τὰ δὲ ἀσθενέστερα σινάμωρα, καὶ ἀποτόκουσ νοσημάτων χρονίουσ ποιέοντα, καὶ κοινωνέοντα τῷ ἄλλῳ σώματι ἐπὶ πλέον. Ἐπεὶ καὶ πλευρέων κάτηξισ τοιοῦτόν τι πέπονθεν‧ οἷσι μὲν γὰρ ἂν καταγῇ πλευρὴ, μία ἢ πλέονεσ, ὡσ τοῖσι πλείστοισι κατάγνυται, μὴ διασχόντα τὰ ὀστέα ἐσ τὸ ἔσω μέροσ, μηδὲ ψιλωθέντα, ὀλίγοι μὲν ἤδη ἐπυρέτηναν‧ ἀτὰρ οὐδὲ αἷμα πολλοὶ ἤδη ἔπτυσαν, οὐδὲ ἔμπυοι πολλοὶ γίνονται, οὐδὲ ἔμμοτοι, οὐδὲ ἐπισφακελίσιεσ τῶν ὀστέων‧ δίαιτά τε φαύλη ἀρκέει‧ ἢν γὰρ μὴ πυρετὸσ ξυνεχὴσ ἐπιλαμβάνῃ αὐτοὺσ, κενεαγγέειν κάκιον τοῖσι τοιούτοισιν, ἢ μὴ κενεαγγέειν, καὶ ἐπωδυνέστερον, καὶ πυρετωδέστερον, καὶ βηχωδέστερον‧ τὸ γὰρ πλήρωμα τὸ μέτριον τῆσ κοιλίησ, διόρθωμα τῶν πλευρέων γίνεται‧ ἡ δὲ κένωσισ κρεμασμὸν τῇσι πλευρῇσι ποιέει‧ ὁ δὲ κρεμασμὸσ, ὀδύνην. Ἔξωθέν τε αὖ φαύλη ἐπίδεσισ τοῖσι τοιούτοισιν ἀρκέει‧ κηρωτῇ καὶ σπλήνεσι καὶ ὀθονίοισιν ἡσύχωσ ἐρείδοντα, ὁμαλὴν τὴν ἐπίδεσιν ποιέεσθαι, ἢ καὶ ἐριῶδέσ τι προσεπιθέντα. Κρατύνεται δὲ πλευρὴ ἐν εἴκοσιν ἡμέρῃσιν‧ ταχεῖαι γὰρ αἱ ἐπιπωρώσιεσ τῶν τοιουτέων ὀστέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., ΠΕΡΙ ΑΡΘΡΩΝ, 49.

(히포크라테스, Oeuvres Completes D'Hippocrate., ΠΕΡΙ ΑΡΘΡΩΝ, 49.)

상위

목록

SEARCH

MENU NAVIGATION