헬라어 문장 검색 - Ηιπποξ́Ηιπποξρ́1́14́0́

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xiv.)

Οἶδα μὲν γὰρ καὶ τάδε δήπου, ὅτι διαφέρει ἐσ τὸ σῶμα τοῦ ἀνθρώπου καθαρὸσ ἄρτοσ ἢ συγκομιστόσ, ἢ ἀπτίστων πυρῶν ἢ ἐπτισμένων, ἢ πολλῷ ὕδατι πεφυρημένοσ ἢ ὀλίγῳ, ἢ ἰσχυρῶσ πεφυρημένοσ ἢ ἀφύρητοσ, ἢ ἔξοπτοσ ἢ ἔνωμοσ, ἄλλα τε πρὸσ τούτοισι μυρία. ὡσ δ’ αὔτωσ καὶ περὶ μάζησ. καὶ αἱ δυνάμιεσ μεγάλαι τε ἑκάστου καὶ οὐδὲν ἡ ἑτέρη τῇ ἑτέρῃ ἐοικυῖα. ὅστισ δὲ ταῦτα οὐκ ἐπέσκεπται ἢ σκεπτόμενοσ οὐκ οἶδεν, πῶσ ἄν τι οὗτοσ δύναιτο τῶν κατ’ ἄνθρωπον παθημάτων εἰδέναι; ὑπὸ γὰρ ἑνὸσ ἑκάστου τούτων πάσχει τε καὶ ἑτεροιοῦται ὁ ἄνθρωποσ ἢ τοῖον ἢ τοῖον. καὶ διὰ τούτων πᾶσ ὁ βίοσ καὶ ὑγιαίνοντι καὶ ἐκ νούσου ἀνατρεφομένῳ καὶ κάμνοντι. οὐκ ἂν οὖν ἕτερα τούτων χρησιμώτερα οὐδὲ ἀναγκαιότερα εἰή εἰδέναι δήπου, ὡσ δὲ καλῶσ καὶ λογισμῷ προσήκοντι ζητήσαντεσ πρὸσ τὴν τοῦ ἀνθρώπου φύσιν εὑρ͂ον αὐτὰ οἱ πρῶτοι εὑρόντεσ καὶ ᾠήθησαν ἀξίην τὴν τέχνην θεῷ προσθεῖναι, ὥσπερ καὶ νομίζεται. οὐ γὰρ τὸ ξηρὸν οὐδὲ τὸ ὑγρὸν οὐδὲ τὸ θερμὸν οὐδὲ τὸ ψυχρὸν οὐδὲ ἄλλο τούτων ἡγησάμενοι οὐδὲν οὔτε λυμαίνεσθαι οὔτε προσδεῖσθαι οὐδενὸσ τούτων τὸν ἄνθρωπον, ἀλλὰ τὸ ἰσχυρὸν ἑκάστου καὶ τὸ κρέσσον τῆσ φύσιοσ τῆσ ἀνθρωπείησ, οὗ μὴ ἠδύνατο κρατεῖν, τοῦτο βλά πτειν ἡγήσαντο καὶ τοῦτο ἐζήτησαν ἀφαιρεῖν. ἰσχυρότατον δ’ ἐστὶ τοῦ μὲν γλυκέοσ τὸ γλυκύτατον, τοῦ δὲ πικροῦ τὸ πικρότατον, τοῦ δὲ ὀξέοσ τὸ ὀξύτατον, ἑκάστου δὲ πάντων τῶν ἐνεόντων ἡ ἀκμή. ταῦτα γὰρ ἑώρων καὶ ἐν τῷ ἀνθρώπῳ ἐνεόντα καὶ λυμαινόμενα τὸν ἄνθρωπον. ἔνι γὰρ ἐν ἀνθρώπῳ καὶ ἁλμυρὸν καὶ πικρὸν καὶ γλυκὺ καὶ ὀξὺ καὶ στρυφνὸν καὶ πλαδαρὸν καὶ ἄλλα μυρία παντοίασ δυνάμιασ ἔχοντα πλῆθόσ τε καὶ ἰσχύν. ταῦτα μὲν μεμιγμένα καὶ κεκρημένα ἀλλήλοισιν οὔτε φανερά ἐστιν οὔτε λυπεῖ τὸν ἄνθρωπον. ὅταν δέ τι τούτων ἀποκριθῇ καὶ αὐτὸ ἐφ’ ἑωυτοῦ γένηται, τότε καὶ φανερόν ἐστι καὶ λυπεῖ τὸν ἄνθρωπον· τοῦτο δέ, τῶν βρωμάτων ὅσα ἡμῖν ἀνεπιτήδειά ἐστιν καὶ λυμαίνεται τὸν ἄνθρωπον ἐμπεσόντα, τούτων ἓν ἕκαστον ἢ πικρόν ἐστιν ἢ ἁλμυρὸν ἢ ὀξὺ ἢ ἄλλο τι ἄκρητόν τε καὶ ἰσχυρόν, καὶ διὰ τοῦτο ταρασσόμεθα ὑπ’ αὐτῶν, ὥσπερ καὶ ὑπὸ τῶν ἐν τῷ σώματι ἀποκρινομένων. πάντα δὲ ὅσα ἄνθρωποσ ἐσθίει ἢ πίνει, τὰ τοιαῦτα βρώματα ἥκιστα τοιούτου χυμοῦ ἀκρήτου τε καὶ διαφέροντοσ δῆλά ἐστιν μετέχοντα, οἱο͂ν ἄρτοσ τε καὶ μᾶζα καὶ τὰ ἑπόμενα τούτοισ, οἷσ εἴθισται ὁ ἄνθρωποσ πλείστοισί τε καὶ αἰεὶ χρῆσθαι, ἔξω τῶν πρὸσ ἡδονήν τε καὶ κόρον ἠρτυμένων τε καὶ ἐσκευασμένων. καὶ ἀπὸ τούτων πλείστων ἐσιόντων ἐσ τὸν ἄνθρωπον τάραχοσ καὶ ἀπόκρισισ τῶν ἀμφὶ τὸ σῶμα δυναμίων ἥκιστα γίνεται, ἰσχὺσ δὲ καὶ αὔξησισ καὶ τροφὴ μάλιστα δι’ οὐδὲν ἕτερον γίνεται ἢ ὅτι εὖ τε κέκρηται καὶ οὐδὲν ἔχει οὔτε ἄκρητον οὔτε ἰσχυρόν, ἀλλ’ ὅλον ἕν τε γέγονε καὶ ἁπλοῦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xiv.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, xiv.)

상위

목록

SEARCH

MENU NAVIGATION