Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, v.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, v.)

Σκεψώμεθα δὲ καὶ τὴν ὁμολογεομένωσ ἰητρικήν, τὴν ἀμφὶ τοὺσ κάμνοντασ εὑρημένην, ἣ καὶ ὄνομα καὶ τεχνίτασ ἔχει, ἦρά τι καὶ αὐτὴ τῶν αὐτῶν ἐθέλει, καὶ πόθεν ποτὲ ἦρκται. ἐμοὶ μὲν γάρ, ὅπερ ἐν ἀρχῇ εἶπον, οὐδ’ ἂν ζητῆσαι ἰητρικὴν δοκεῖ οὐδείσ, εἰ ταὐτὰ διαιτήματα τοῖσί τε κάμνουσι καὶ τοῖσι ὑγιαίνουσιν ἡρ́μοζεν. ἔτι γοῦν καὶ νῦν ὅσοι ἰητρικῇ μὴ χρέονται, οἵ τε βάρβαροι καὶ τῶν Ἑλλήνων ἔνιοι, τὸν αὐτὸν τρόπον, ὅνπερ οἱ ὑγιαίνοντεσ, διαιτέονται πρὸσ ἡδονήν, καὶ οὔτ’ ἂν ἀπόσχοιντο οὐδενὸσ ὧν ἐπιθυμέουσιν οὔθ’ ὑποστείλαιντο ἄν. οἱ δὲ ζητήσαντεσ καὶ εὑρόντεσ ἰητρικὴν τὴν αὐτὴν ἐκείνοισι διάνοιαν ἔχοντεσ, περὶ ὧν μοι ὁ πρότεροσ λόγοσ εἴρηται, πρῶτον μέν, οἶμαι, ὑφεῖλον τοῦ πλήθεοσ τῶν σιτίων αὐτῶν τούτων, καὶ ἀντὶ πλειόνων ὀλίγιστα ἐποίησαν. ἐπεὶ δὲ αὐτοῖσι τοῦτο ἔστι μὲν ὅτε πρόσ τινασ τῶν καμνόντων ἤρκεσε καὶ φανερὸν ἐγένετο ὠφελῆσαν, οὐ μέντοι πᾶσί γε, ἀλλ’ ἦσάν τινεσ οὕτωσ ἔχοντεσ, ὡσ μὴ ὀλίγων σιτίων δύνασθαι ἐπικρατεῖν, ἀσθενεστέρου δὲ δή τινοσ οἱ τοιοίδε ἐδόκεον δεῖσθαι, εὑρ͂ον τὰ Ῥυφήματα μίξαντεσ ὀλίγα τῶν ἰσχυρῶν πολλῷ τῷ ὕδατι καὶ ἀφαιρεόμενοι τὸ ἰσχυρὸν τῇ κρήσει τε καὶ ἑψήσει. ὅσοι δὲ μηδὲ τῶν Ῥυφημάτων ἐδύναντο ἐπικρατεῖν, ἀφεῖλον καὶ ταῦτα, καὶ ἀφίκοντο ἐσ πόματα, καὶ ταῦτα τῇσι τε κρήσεσι καὶ τῷ πλήθει διαφυλάσσοντεσ ὡσ μετρίωσ ἔχοι, μήτε πλείω τῶν δεόντων μήτε ἀκρη τέστερα προσφερόμενοι μηδὲ ἐνδεέστερα.

일치하는 문장이 없습니다.

SEARCH

MENU NAVIGATION