Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ii.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ii.)

Ιἠτρικῇ δὲ πάλαι πάντα ὑπάρχει, καὶ ἀρχὴ καὶ ὁδὸσ εὑρημένη, καθ’ ἣν τὰ εὑρημένα πολλά τε καὶ καλῶσ ἔχοντα εὑρ́ηται ἐν πολλῷ χρόνῳ, καὶ τὰ λοιπὰ εὑρεθήσεται, ἤν τισ ἱκανόσ τε ἐὼν καὶ τὰ εὑρημένα εἰδὼσ ἐκ τούτων ὁρμώμενοσ ζητῇ. ὅστισ δὲ ταῦτα ἀποβαλὼν καὶ ἀποδοκιμάσασ πάντα, ἑτέρῃ ὁδῷ καὶ ἑτέρῳ σχήματι ἐπιχειρεῖ ζητεῖν, καί φησί τι ἐξευρηκέναι, ἐξηπάτηται καὶ ἐξαπατᾶται· ἀδύνατον γάρ· δι’ ἃσ δὲ ἀνάγκασ ἀδύνατον, ἐγὼ πειρήσομαι ἐπιδεῖξαι, λέγων καὶ ἐπιδεικνύων τὴν τέχνην ὅ τι ἐστίν. ἐκ δὲ τούτου καταφανὲσ ἔσται ἀδύνατα ἐόντα ἄλλωσ πωσ τούτων εὑρίσκεσθαι. μάλιστα δέ μοι δοκεῖ περὶ ταύτησ δεῖν λέγοντα τῆσ τέχνησ γνωστὰ λέγειν τοῖσι δημότῃσι. οὐ γὰρ περὶ ἄλλων τινῶν οὔτε ζητεῖν οὔτε λέγειν προσήκει ἢ περὶ τῶν παθημάτων ὧν αὐτοὶ οὗτοι νοσεουσί τε καὶ πονέουσι. αὐτοὺσ μὲν οὖν τὰ σφέων αὐτῶν παθήματα καταμαθεῖν, ὡσ γίνεται καὶ παύεται καὶ δι’ οἱάσ προφάσιασ αὔξεταί τε καὶ φθίνει, δημότασ ἐόντασ οὐ Ῥηίδιον· ὑπ’ ἄλλου δὲ εὑρημένα καὶ λεγόμενα, εὐπετέσ. οὐδὲν γὰρ ἕτερον ἢ ἀναμιμνήσκεται ἕκαστοσ ἀκούων τῶν αὐτῷ συμβαινόντων. εἰ δέ τισ τῆσ τῶν ἰδιωτέων γνώμησ ἀποτεύξεται καὶ μὴ διαθήσει τοὺσ ἀκούοντασ οὕτωσ, τοῦ ἐόντοσ ἀποτεύξεται. καὶ διὰ ταῦτα οὖν ταῦτα οὐδὲν δεῖ ὑποθέσιοσ.

일치하는 문장이 없습니다.

SEARCH

MENU NAVIGATION