Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, i.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, i.)

Ὁπόσοι μὲν ἐπεχείρησαν περὶ ἰητρικῆσ λέγειν ἢ γράφειν, ὑπόθεσιν αὐτοὶ αὐτοῖσ ὑποθέμενοι τῷ λόγῳ, θερμὸν ἢ ψυχρὸν ἢ ὑγρὸν ἢ ξηρὸν ἢ ἄλλο τι ὃ ἂν θέλωσιν, ἐσ βραχὺ ἄγοντεσ τὴν ἀρχὴν τῆσ αἰτίησ τοῖσι ἀνθρώποισι νούσων τε καὶ θανάτου, καὶ πᾶσι τὴν αὐτήν, ἓν ἢ δύο ὑποθέμενοι, ἐν πολλοῖσι μὲν καὶ οἷσι λέγουσι καταφανέεσ εἰσὶ ἁμαρτάνοντεσ, μάλιστα δὲ ἄξιον μέμψασθαι, ὅτι ἀμφὶ τέχνησ ἐούσησ, ᾗ χρέονταί τε πάντεσ ἐπὶ τοῖσι μεγίστοισι καὶ τιμῶσι μάλιστα τοὺσ ἀγαθοὺσ χειροτέχνασ καὶ δημιουργούσ. εἰσὶν δὲ δημιουργοὶ οἱ μὲν φαῦλοι, οἱ δὲ πολλὸν διαφέροντεσ· ὅπερ, εἰ μὴ ἦν ἰητρικὴ ὅλωσ, μηδ’ ἐν αὐτῇ ἔσκεπτο μηδ’ εὑρ́ητο μηδέν, οὐκ ἂν ἦν, ἀλλὰ πάντεσ ὁμοίωσ αὐτῆσ ἄπειροί τε καὶ ἀνεπιστήμονεσ ἦσαν, τύχῃ δ’ ἂν πάντα τὰ τῶν καμνόντων διοικεῖτο. νῦν δ’ οὐχ οὕτωσ ἔχει, ἀλλ’ ὥσπερ καὶ τῶν ἄλλων τεχνέων πασέων οἱ δημιουργοὶ πολλὸν ἀλλήλων διαφέρουσιν κατὰ χεῖρα καὶ κατὰ γνώμην, οὕτω δὲ καὶ ἐπὶ ἰητρικῆσ. διὸ οὐκ ἠξίουν αὐτὴν ἔγωγε κενῆσ ὑποθέσιοσ δεῖσθαι ὥσπερ τὰ ἀφανέα τε καὶ ἀπορεόμενα, περὶ ὧν ἀνάγκη, ἤν τισ ἐπιχειρῇ τι λέγειν, ὑποθέσει χρῆσθαι, οἱο͂ν περὶ τῶν μετεώρων ἢ τῶν ὑπὸ γῆν· ἃ εἴ τισ λέγοι καὶ γινώσκοι ὡσ ἔχει, οὔτ’ ἂν αὐτῷ τῷ λέγοντι οὔτε τοῖσ ἀκούουσι δῆλα ἂν εἰή, εἴτε ἀληθέα ἐστὶν εἴτε μή. οὐ γὰρ ἔστι πρὸσ ὅ τι χρὴ ἀνενέγκαντα εἰδέναι τὸ σαφέσ.

일치하는 문장이 없습니다.

SEARCH

MENU NAVIGATION