헬라어 문장 검색 - Ηιπποξ́Ηιπποξρ́1́09́0́

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ix.)

Καὶ εἰ μὲν ἦν ἁπλοῦν, ὥσπερ ὑφήγητο, ὅσα μὲν ἦν ἰσχυρότερα, ἔβλαπτεν, ὅσα δ’ ἦν ἀσθενέστερα, ὠφέλει τε καὶ ἔτρεφεν καὶ τὸν κάμνοντα καὶ τὸν ὑγιαίνοντα, εὐπετὲσ ἂν ἦν τὸ πρῆγμα· πολλὸν γὰρ τοῦ ἀσφαλέοσ ἂν ἔδει περιλαμβάνοντασ ἄγειν ἐπὶ τὸ ἀσθενέστερον. νῦν δὲ οὐκ ἔλασσον ἁμάρτημα, οὐδὲ ἧσσον λυμαίνεται τὸν ἄνθρωπον, ἢν ἐλάσσονα καὶ ἐνδεέστερα τῶν ἱκανῶν προσφέρηται. τὸ γὰρ τοῦ λιμοῦ μένοσ δύνα ται ἰσχυρῶσ ἐν τῇ φύσει τοῦ ἀνθρώπου καὶ γυιῶσαι καὶ ἀσθενέα ποιῆσαι καὶ ἀποκτεῖναι. πολλὰ δὲ καὶ ἄλλα κακὰ ἑτεροῖα τῶν ἀπὸ πληρώσιοσ, οὐχ ἧσσον δὲ δεινά, καὶ ἀπὸ κενώσιοσ. διότι πολλὸν ποικιλώτερά τε καὶ διὰ πλείονοσ ἀκριβείησ ἐστί. δεῖ γὰρ μέτρου τινὸσ στοχάσασθαι. μέτρον δὲ οὔτε ἀριθμὸν οὔτε σταθμὸν ἄλλον, πρὸσ ὃ ἀναφέρων εἴσῃ τὸ ἀκριβέσ, οὐκ ἂν εὑρ́οισ ἀλλ’ ἢ τοῦ σώματοσ τὴν αἴσθησιν. διὸ ἔργον οὕτω καταμαθεῖν ἀκριβέωσ, ὥστε σμικρὰ ἁμαρτάνειν ἔνθα ἢ ἔνθα. κἂν ἐγὼ τοῦτον τὸν ἰητρὸν ἰσχυρῶσ ἐπαινέοιμι τὸν σμικρὰ ἁμαρτάνοντα. τὸ δὲ ἀτρεκὲσ ὀλιγάκισ ἔστι κατιδεῖν. ἐπεὶ οἱ πολλοί γε τῶν ἰητρῶν τὰ αὐτά μοι δοκέουσιν τοῖσι κακοῖσι κυβερνήτῃσι πάσχειν. καὶ γὰρ ἐκεῖνοι ὅταν ἐν γαλήνῃ κυβερνῶντεσ ἁμαρτάνωσιν, οὐ καταφανέεσ εἰσίν· ὅταν δὲ αὐτοὺσ κατάσχῃ χειμών τε μέγασ καὶ ἄνεμοσ ἐξώστησ, φανερῶσ πᾶσιν ἤδη ἀνθρώποισ δι’ ἀγνωσίην καὶ ἁμαρτίην δῆλοί εἰσιν ἀπολέσαντεσ τὴν ναῦν. οὕτω δὴ καὶ οἱ κακοί τε καὶ οἱ πλεῖστοι ἰητροί, ὅταν μὲν θεραπεύωσιν ἀνθρώπουσ μηδὲν δεινὸν ἔχοντασ, ἐσ οὓσ ἄν τισ τὰ μέγιστα ἐξαμαρτάνων οὐδὲν δεινὸν ἐργάσαιτο‐πολλὰ δὲ τοιαῦτα νοσήματα καὶ πολλόν τι πλείω τῶν δεινῶν ἀνθρώποισ συμβαίνει‐‐ἐν μὲν τοῖσι τοιούτοισ ἁμαρτάνοντεσ οὐ καταφανέεσ εἰσὶν τοῖσιν ἰδιώτῃσιν· ὅταν δ’ ἐντύχωσιν μεγάλῳ τε καὶ ἰσχυρῷ καὶ ἐπισφαλεῖ νοσήματι, τότε σφέων τά τε ἁμαρτήματα καὶ ἡ ἀτεχνίη πᾶσι καταφανήσ· οὐ γὰρ ἐσ μακρὸν αὐτῶν ἑκατέρου αἱ τιμωρίαι, ἀλλὰ διὰ τάχεοσ πάρεισιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ix.

(히포크라테스, Hippocrates Collected Works I, ΠΕΡΙ ΑΡΧΑΙΗΣ ΙΗΤΡΙΚΗΣ, ix.)

상위

목록

SEARCH

MENU NAVIGATION