Diogenes Laertius, Lives of Eminent Philosophers, E, Kef. g'. STRATWN 1:

Διεδέξατο δ’ αὐτοῦ τὴν σχολὴν Στράτων Ἀρκεσι‐ λάου Λαμψακηνόσ, οὗ καὶ ἐν ταῖσ διαθήκαισ ἐμνημόνευσεν· ἀνὴρ ἐλλογιμώτατοσ καὶ φυσικὸσ ἐπικληθεὶσ ἀπὸ τοῦ περὶ τὴν θεωρίαν ταύτην παρ’ ὁντινοῦν ἐπιμελέστατα διατετριφέναι. ἀλλὰ καὶ καθηγήσατο Πτολεμαίου τοῦ Φιλαδέλφου καὶ ἔλαβε, φασί, παρ’ αὐτοῦ τάλαντα ὀγδοήκοντα· σχολαρχεῖν δέ, καθά φησιν Ἀπολλόδωροσ ἐν Χρονικοῖσ, ἤρξατο τῇ τρίτῃ καὶ εἰκοστῇ καὶ ἑκατοστῇ Ὀλυμπιάδι, τῆσ σχολῆσ ἀφηγησάμενοσ ἔτη ὀκτωκαίδεκα.