Diogenes Laertius, Lives of Eminent Philosophers, E, Kef. b'. QEOFRASTOS

(디오게네스 라에르티오스, Lives of Eminent Philosophers, E, Kef. b'. QEOFRASTOS)

Θεόφραστοσ Μελάντα Ἐρέσιοσ κναφέωσ υἱόσ, ὥσ φησιν Ἀθηνόδωροσ ἐν ὀγδόῃ Περιπάτων. οὗτοσ πρῶτον μὲν ἤκουσεν Ἀλκίππου τοῦ πολίτου ἐν τῇ πατρίδι, εἶτ’ ἀκούσασ Πλάτωνοσ μετέστη πρὸσ Ἀριστοτέλην· κἀκείνου εἰσ Χαλκίδα ὑποχωρήσαντοσ αὐτὸσ διεδέξατο τὴν σχολὴν Ὀλυμπιάδι τετάρτῃ καὶ δεκάτῃ καὶ ἑκατοστῇ. φέρεται δ’ αὐτοῦ καὶ δοῦλοσ φιλόσοφοσ ὄνομα Πομπύλοσ, καθά φησι Μυρωνιανὸσ Ἀμαστριανὸσ ἐν τῷ πρώτῳ τῶν Ὁμοίων ἱστορικῶν κεφαλαίων. ὁ δὲ Θεόφραστοσ γέγονεν ἀνὴρ συνετώτατοσ καὶ φιλοπονώτατοσ καί, καθά φησι Παμφίλη ἐν τῷ τριακοστῷ δευτέρῳ τῶν Ὑπομνημάτων, διδάσκαλοσ Μενάνδρου τοῦ κωμικοῦ· ἄλλωσ τε καὶ εὐεργετικὸσ καὶ φιλόλογοσ.

Κάσανδροσ γοῦν αὐτὸν ἀπεδέχετο καὶ Πτολεμαῖοσ ἔπεμψεν ἐπ’ αὐτόν· τοσοῦτον δ’ ἀποδοχῆσ ἠξιοῦτο παρ’ Ἀθηναίοισ, ὥστ’ Ἀγνωνίδησ τολμήσασ ἀσεβείασ αὐτὸν γράψασθαι, μικροῦ καὶ προσῶφλεν. ἀπήντων τ’ εἰσ τὴν διατριβὴν αὐτοῦ μαθηταὶ πρὸσ δισχιλίουσ. οὗτοσ τά τ’ ἄλλα καὶ περὶ δικαστηρίου τοιαῦτα διείλεκται ἐν τῇ πρὸσ Φανίαν τὸν περιπατητικὸν ἐπιστολῇ· "οὐ γὰρ ὅτι πανήγυριν, ἀλλ’ οὐδὲ συνέδριον ῥᾴδιον, οἱο͂́ν τισ βούλεται, λαβεῖν· αἱ δ’ ἀναγνώσεισ ποιοῦσιν ἐπανορθώσεισ· τὸ δ’ ἀναβάλλεσθαι πάντα καὶ ἀμελεῖν οὐκέτι φέρουσιν αἱ ἡλικίαι. " ἐν ταύτῃ τῇ ἐπιστολῇ σχολαστικὸν ὠνόμακε. Τοιοῦτοσ δ’ ὤν, ὅμωσ ἀπεδήμησε πρὸσ ὀλίγον καὶ οὗτοσ καὶ πάντεσ οἱ λοιποὶ φιλόσοφοι, Σοφοκλέουσ τοῦ Ἀμφικλείδου νόμον εἰσενεγκόντοσ, μηδένα τῶν φιλοσόφων σχολῆσ ἀφηγεῖσθαι, ἂν μὴ τῇ βουλῇ καὶ τῷ δήμῳ δόξῃ·

εἰ δὲ μή, θάνατον εἶναι τὴν ζημίαν. ἀλλ’ αὖθισ ἐπανῆλθον εἰσ νέωτα, Φίλωνοσ τὸν Σοφοκλέα γραψαμένου παρανόμων. ὅτε καὶ τὸν νόμον μὲν ἄκυρον ἐποίησαν Ἀθηναῖοι, τὸν δὲ Σοφοκλέα πέντε ταλάντοισ ἐζημίωσαν κάθοδόν τε τοῖσ φιλοσόφοισ ἐψηφίσαντο, ἵνα καὶ Θεόφραστοσ κατέλθοι καὶ ἐν τοῖσ ὁμοίοισ εἰή. τοῦτον Τύρταμον λεγόμενον Θεόφραστον διὰ τὸ τῆσ φράσεωσ θεσπέσιον Ἀριστοτέλησ μετωνόμασεν· οὗ καὶ τοῦ υἱέοσ Νικομάχου φησὶν ἐρωτικῶσ διατεθῆναι, καίπερ ὄντα διδάσκαλον, Ἀρίστιπποσ ἐν τετάρτῳ Περὶ παλαιᾶσ τρυφῆσ.

λέγεται δ’ ἐπ’ αὐτοῦ τε καὶ Καλλισθένουσ τὸ ὅμοιον εἰπεῖν Ἀριστοτέλην, ὅπερ Πλάτωνα, καθὰ προείρηται, φασὶν εἰπεῖν ἐπί τε Ξενοκράτουσ καὶ αὐτοῦ τούτου· φάναι γάρ, τοῦ μὲν Θεοφράστου καθ’ ὑπερβολὴν ὀξύτητοσ πᾶν τὸ νοηθὲν ἐξερμηνεύοντοσ, τοῦ δὲ νωθροῦ τὴν φύσιν ὑπάρχοντοσ, ὡσ τῷ μὲν χαλινοῦ δέοι, τῷ δὲ κέντρου. λέγεται δ’ αὐτὸν καὶ ἴδιον κῆπον σχεῖν μετὰ τὴν Ἀριστοτέλουσ τελευτήν, Δημητρίου τοῦ Φαληρέωσ, ὃσ ἦν καὶ γνώριμοσ αὐτῷ, τοῦτο συμπράξαντοσ. φέρεται δ’ αὐτοῦ ἀποφθέγματα ταυτὶ χρειώδη· θᾶττον ἔφη πιστεύειν δεῖν ἵππῳ ἀχαλίνῳ ἢ λόγῳ ἀσυντάκτῳ. πρὸσ δὲ τὸν ἐν τῷ συμποσίῳ σιωπῶντα τὸ ὅλον ἔφη, "εἰ μὲν ἀμαθὴσ εἶ, φρονίμωσ ποιεῖσ, εἰ δὲ πεπαίδευσαι, ἀφρόνωσ.

" συνεχέσ τε ἔλεγε πολυτελὲσ ἀνάλωμα εἶναι τὸν χρόνον. Ἐτελεύτα δὴ γηραιόσ, βιοὺσ ἔτη πέντε καὶ ὀγδοήκοντα, ἐπειδήπερ ὀλίγον ἀνῆκε τῶν πόνων. καὶ ἔστιν ἡμῶν εἰσ αὐτόν· οὐκ ἄρα τοῦτο μάταιον ἔποσ μερόπων τινὶ λέχθη, ῥήγνυσθαι σοφίησ τόξον ἀνιέμενον· δὴ γὰρ καὶ Θεόφραστοσ ἑώσ ἐπόνει μὲν ἄπηροσ ἦν δέμασ, εἶτ’ ἀνεθεὶσ κάτθανε πηρομελήσ. Φασὶ δ’ αὐτὸν ἐρωτηθέντα ὑπὸ τῶν μαθητῶν εἴ τι ἐπισκήπτει, εἰπεῖν, "ἐπισκήπτειν μὲν ἔχειν οὐδέν, πλὴν ὅτι πολλὰ τῶν ἡδέων ὁ βίοσ διὰ τὴν δόξαν καταλαζονεύεται. ἡμεῖσ γὰρ ὁπότ’ ἀρχόμεθα ζῆν, τότ’ ἀποθνήσκομεν.

καὶ τοῦτο λέγειν Ἕρμιππον, παρατιθέμενον ἱστορεῖν Ἀρκεσίλαον τὸν Πιταναῖον ἐν οἷσ ἔφασκε πρὸσ Λακύδην τὸν Κυρηναῖον. οὐδὲν οὖν ἀλυσιτελέστερόν ἐστι φιλοδοξίασ. ἀλλ’ εὐτυχεῖτε καὶ ἤτοι τὸν λόγον ἄφετε‐‐πολὺσ γὰρ ὁ πόνοσ‐‐ἢ καλῶσ αὐτοῦ πρόστητε· μεγάλη γὰρ ἡ δόξα. τὸ δὲ κενὸν τοῦ βίου πλέον τοῦ συμφέροντοσ. ἀλλ’ ἐμοὶ μὲν οὐκέτ’ ἐκποιεῖ βουλεύεσθαι τί πρακτέον, ὑμεῖσ δ’ ἐπισκέψασθε τί ποιητέον. " ταῦτα, φασίν, εἰπὼν ἀπέπνευσε· καὶ αὐτόν, ὡσ ὁ λόγοσ, Ἀθηναῖοι πανδημεὶ παρέπεμψαν ποσί, τὸν ἄνδρα τιμήσαντεσ. Φαβωρῖνοσ δέ φησι γηράσαντα αὐτὸν ἐν φορείῳ περιφέρεσθαι· Καταλέλοιπε δὲ βιβλία καὶ αὐτὸσ ὅτι μάλιστα πάμπλειστα, ἃ καὶ αὐτὰ ἄξιον ἡγησάμην ὑπογράψαι διὰ τὸ πάσησ ἀρετῆσ πεπληρῶσθαι.

ἔστι δὲ τάδε· Ἀναλυτικῶν προτέρων α’ β’ γ’. Ἀναλυτικῶν ὑστέρων α’ β’ γ’ δ’ ε’ σ’ ζ’. Περὶ ἀναλύσεωσ συλλογισμῶν α’. Ἀναλυτικῶν ἐπιτομὴ α’. Ἀνηγμένων τόπων α’ β’. Ἀγωνιστικὸν τῆσ περὶ τοὺσ ἐρωτικοὺσ λόγουσ θεωρίασ Περὶ αἰσθήσεων α’. Πρὸσ Ἀναξαγόραν α’. Περὶ τῶν Ἀναξαγόρου α’. Περὶ τῶν Ἀναξιμένουσ α’. Περὶ τῶν Ἀρχελάου α’. Περὶ ἁλῶν, νίτρου, στυπτηρίασ α’. Περὶ τῶν λιθουμένων α’ β’. Περὶ τῶν ἀτόμων γραμμῶν α’. Ἀκροάσεωσ α’ β’. Περὶ ἀνέμων α’. Ἀρετῶν διαφοραὶ α’. Περὶ βασιλείασ α’. Περὶ παιδείασ βασιλέωσ α’. Περὶ βίων α’ β’ γ’. Περὶ γήρωσ α’.

Περὶ τῆσ Δημοκρίτου ἀστρολογίασ α’. Τῆσ μεταρσιολεσχίασ α’. Περὶ τῶν εἰδώλων α’. Περὶ χυμῶν, χροῶν, σαρκῶν α’. Περὶ τοῦ διακόσμου α’. Περὶ τῶν ἀνθρώπων α’. Τῶν Διογένουσ συναγωγὴ α’. Διορισμῶν α’ β’ γ’. Ἐρωτικὸσ α’. Άλλο περὶ ἔρωτοσ α’. Περὶ εὐδαιμονίασ α’. Περὶ εἰδῶν α’ β’. Περὶ ἐπιλήψεωσ α’. Περὶ ἐνθουσιασμοῦ α’. Περὶ Ἐμπεδοκλέουσ α’. Ἐπιχειρημάτων α’ β’ γ’ δ’ ε’ σ’ ζ’ η’ θ’ ι’ ια’ ιβ’ ιγ’ ιδ’ ιε’ ισ’ ιζ’ ιη’. Ἐνστάσεων α’ β’ γ’. Περὶ ἑκουσίου α’. Ἐπιτομὴ τῆσ Πλάτωνοσ Πολιτείασ α’ β’. Περὶ ἑτεροφωνίασ ζῴων τῶν ὁμογενῶν α’. Περὶ τῶν ἀθρόων φαινομένων α’. Περὶ δακέτων καὶ βλητικῶν α’. Περὶ τῶν ζῴων ὅσα λέγεται φθονεῖν α’. Περὶ τῶν ἐν ξηρῷ διαμενόντων α’. Περὶ τῶν τὰσ χρόασ μεταβαλλόντων α’.

Περὶ τῶν φωλευόντων α’. Περὶ ζῴων α’ β’ γ’ δ’ ε’ σ’ ζ’. Περὶ ἡδονῆσ ὡσ Ἀριστοτέλησ α’. Περὶ ἡδονῆσ ἄλλο α’. Θέσεισ κδ’. Περὶ θερμοῦ καὶ ψυχροῦ α’. Περὶ ἰλίγγων καὶ σκοτωσεων α’. Περὶ ἱδρώτων α’. Περὶ καταφάσεωσ καὶ ἀποφάσεωσ α’. Καλλισθένησ ἢ περὶ πένθουσ α’. Περὶ κόπων α. Περὶ κινήσεωσ α’ β’ γ’. Περὶ λίθων α’. Περὶ λοιμῶν α’. Περὶ λιποψυχίασ α’. Μεγαρικὸσ α’. Περὶ μελαγχολίασ α’. Περὶ μετάλλων α’ β’. Περὶ μέλιτοσ α’. Περὶ τῶν Μητροδώρου συναγωγῆσ α’. Μεταρσιολογικῶν α’ β’. Περὶ μέθησ α’. Νόμων κατὰ στοιχεῖον κδ’. Νόμων ἐπιτομῆσ α’ β’ γ’ δ’ ε’ σ’ ζ’ η’ θ’ ι’. Πρὸσ τοὺσ ὁρισμοὺσ α’.

Περὶ ὀδμῶν α’. Περὶ οἴνου καὶ ἐλαίου. Πρώτων προτάσεων α’ β’ γ’ δ’ ε’ σ’ ζ’ η’ θ’ ι’ ια’ ιβ’ ιγ’ ιδ’ ιε’ ισ’ ιζ’ ιη’. Νομοθετῶν α’ β’ γ’. Πολιτικῶν α’ β’ γ’ δ’ ε’ σ’. Πολιτικὸν πρὸσ τοὺσ καιροὺσ α’ β’ γ’ δ’. Πολιτικῶν ἐθῶν α’ β’ γ’ δ’. Περὶ τῆσ ἀρίστησ πολιτείασ α’. Προβλημάτων συναγωγῆσ α’ β’ γ’ δ’ ε’. Περὶ παροιμιῶν α’. Περὶ πήξεων καὶ τήξεων α’. Περὶ πυρὸσ α’ β’. Περὶ πνευμάτων α’. Περὶ παραλύσεωσ α’. Περὶ πνιγμοῦ α’ Περὶ παραφροσυνησ α’. Περὶ παθῶν α’. Περὶ σημείων α’. Σοφισμάτων α’ β’. Περὶ συλλογισμῶν λύσεωσ α’. Τοπικῶν α’ β’. Περὶ τιμωρίασ α’ β’. Περὶ τριχῶν α’. Περὶ τυραννίδοσ α’. Περὶ ὕδατοσ α’ β’ γ’. Περὶ ὕπνου καὶ ἐνυπνίων α’. Περὶ φιλίασ α’ β’ γ’. Περὶ φιλοτιμίασ α’ β’. Περὶ φύσεωσ α’ β’ γ’.

Περὶ φυσικῶν α’ β’ γ’ δ’ ε’ σ’ ζ’ η’ θ’ ι’ ια’ ιβ’ ιγ’ ιδ’ ιε’ ισ’ ιζ’ ιη’. Περὶ φυσικῶν ἐπιτομῆσ α’ β’. Φυσικῶν α’ β’ γ’ δ’ ε’ σ’ ζ’ η’. Πρὸσ τοὺσ φυσικοὺσ α’. Περὶ φυτικῶν ἱστοριῶν α’ β’ γ’ δ’ ε’ σ’ ζ’ η’ θ’ ι’. Φυτικῶν αἰτιῶν α’ β’ γ’ δ’ ε’ σ’ ζ’ η’ Περὶ χυλῶν α’ β’ γ’ δ’ ε’. Περὶ ψεύδουσ ἡδονῆσ α’. Περὶ ψυχῆσ θέσισ μία. Περὶ τῶν ἀτέχνων πίστεων α’. Περὶ τῶν ἁπλῶν διαπορημάτων α’. Ἁρμονικῶν α’. Περὶ ἀρετῆσ α’. Ἀφορμαὶ ἢ ἐναντιώσεισ α’. Περὶ ἀποφάσεωσ α’. Περι γνώμησ α’. Περὶ γελοίου α’. Δειλινῶν α’ β’. Διαιρέσεισ α’ β’. Περὶ τῶν διαφορῶν α’. Περὶ τῶν ἀδικημάτων α’. Περὶ διαβολῆσ α’. Περὶ ἐπαίνου α’. Περὶ ἐμπειρίασ α’. Ἐπιστολῶν α’ β’ γ’. Περὶ τῶν αὐτομάτων ζῴων α’. Περὶ ἐκκρίσεωσ α’. Ἐγκώμια θεῶν α’.

Περὶ ἑορτῶν α’. Περὶ εὐτυχίασ α’. Περὶ ἐνθυμημάτων α’. Περὶ εὑρημάτων α’ β’. Ἠθικῶν σχολῶν α’. Ἠθικοὶ χαρακτῆρεσ α’. Περὶ θορύβου α’. Περὶ ἱστορίασ α’. Περὶ κρίσεωσ συλλογισμῶν α’. Περὶ κολακείασ α’. Περὶ θαλάττησ α’. Πρὸσ Κάσανδρον περὶ βασιλείασ α’. Περὶ κωμῳδίασ α’. [Περὶ μέτρων α’]. Περὶ λέξεωσ α’. Λόγων συναγωγὴ α’. Λύσεισ α’. Περὶ μουσικῆσ α’ β’ γ’. Περὶ μέτρων α’. Μεγακλῆσ α’. Περὶ νόμων α’. Περὶ παρανόμων α’. Τῶν Ξενοκράτουσ συναγωγῆσ α’. Ὁμιλητικὸσ α’. Περὶ ὁρ́κου α’. Παραγγέλματα ῥητορικῆσ α’. Περὶ πλούτου α’. Περὶ ποιητικῆσ α’. Προβλήματα πολιτικά, ἠθικά, φυσικά, ἐρωτικὰ α’. Προοιμίων α’.

Προβλημάτων συναγωγῆσ α’. Περὶ τῶν προβλημάτων φυσικῶν α’. Περὶ παραδείγματοσ α’. Περὶ προθέσεωσ καὶ διηγήματοσ α’. Περὶ ποιητικῆσ ἄλλο α’. Περὶ τῶν σοφῶν α’. Περὶ συμβουλῆσ α’. Περὶ σολοικισμῶν α’. Περὶ τέχνησ ῥητορικῆσ α’. Περὶ τεχνῶν ῥητορικῶν εἴδη ιζ’. Περὶ ὑποκρίσεωσ α’. Ὑπομνημάτων Ἀριστοτελικῶν ἢ Θεοφραστείων α’ β’ γ’ δ’ ε’ σ’. Φυσικῶν δοξῶν α’ β’ γ’ δ’ ε’ σ’ ζ’ η’ θ’ ι’ ια’ ιβ’ ιγ’ ιδ’ ιε’ ισ’. Φυσικῶν [δοξῶν] ἐπιτομῆσ α’. Περὶ χάριτοσ α’. [Χαρακτῆρεσ ἠθικοί. ] Περὶ ψεύδουσ καὶ ἀληθοῦσ α’. Τῶν περὶ τὸ θεῖον ἱστορίασ α’ β’ γ’ δ’ ε’ σ’. Περὶ θεῶν α’ β’ γ’. Ἱστορικῶν γεωμετρικῶν α’ β’ γ’ δ’. Επιτομῶν Ἀριστοτέλουσ περὶ ζῴων α’ β’ γ’ δ’ ε’ σ’.

Ἐπιχειρημάτων α’ β’. Θέσεισ γ’. Περὶ βασιλείασ α’ β’. Περὶ αἰτιῶν α’. Περὶ Δημοκρίτου α’. [Περὶ διαβολῆσ α’. ] Περὶ γενέσεωσ α’. Περὶ ζῴων φρονήσεωσ καὶ ἤθουσ α’. Περὶ κινήσεωσ α’ β’. Περὶ ὄψεωσ α’ β’ γ’ δ’. Πρὸσ ὁρ́ουσ α’ β’. Περὶ τοῦ δεδόσθαι α’. Περὶ μείζονοσ καὶ ἐλάττονοσ α’. Περὶ τῶν μουσικῶν α’. Περὶ τῆσ θείασ εὐδαιμονίασ α’. Πρὸσ τοὺσ ἐξ Ἀκαδημείασ α’. Προτρεπτικὸσ α’. Πῶσ ἂν ἄριστα πόλεισ οἰκοῖντο α’. Τὰ ὑπομνήματα α’. Περὶ ῥύακοσ τοῦ ἐν Σικελίᾳ α’. Περὶ τῶν ὁμολογουμένων α’. [Περὶ τῶν προβλημάτων φυσικῶν α’. Τίνεσ οἱ τρόποι τοῦ ἐπίστασθαι α’. Περὶ τοῦ ψευδομένου α’ β’ γ’. Τὰ πρὸ τῶν τόπων α’.

Πρὸσ Αἰσχύλον α’. Ἀστρολογικῆσ ἱστορίασ α’ β’ γ’ δ’ ε’ σ’. Ἀριθμητικῶν ἱστοριῶν περὶ αὐξήσεωσ α’. Ἀκίχαροσ α’. Περὶ δικανικῶν λόγων α’. [Περὶ διαβολῆσ α’. ] Ἐπιστολαὶ αἱ ἐπὶ τῷ Ἀστυκρέοντι, Φανίᾳ, Νικάνορι. Περὶ εὐσεβείασ α’. Εὐϊάδοσ α’. Περὶ καιρῶν α’ β’. Περὶ οἰκείων λόγων α’. Περὶ παίδων ἀγωγῆσ α’. Ἄλλο διάφορον α’. Περὶ παιδείασ ἢ περὶ ἀρετῶν ἢ περὶ σωφροσύνησ α’. [Προτρεπτικὸσ α’. ] Περὶ ἀριθμῶν α’. Ὁριστικὰ περὶ λέξεωσ συλλογισμῶν α’. Περὶ οὐρανοῦ α’. Πολιτικοῦ α’ β’. Περὶ φύσεωσ. Περὶ καρπῶν. Περὶ ζῴων. Ἃ γίνονται στίχων Μ’ κ’ γ’ Β ω’ η’· τοσαῦτα μὲν οὖν καὶ τῷδε τὰ βιβλία. Εὑρ͂ον δ’ αὐτοῦ καὶ διαθήκασ τοῦτον ἐχούσασ τὸν τρόπον·

"Ἔσται μὲν εὖ· ἐὰν δέ τι συμβῇ, τάδε διατίθεμαι· τὰ μὲν οἴκοι ὑπάρχοντα πάντα δίδωμι Μελάντῃ καὶ Παγκρέοντι τοῖσ υἱοῖσ Λέοντοσ. ἀπὸ δὲ τῶν παρ’ Ἱππάρχου συμβεβλημένων τάδε μοι βούλομαι γενέσθαι· πρῶτον μὲν τὰ περὶ τὸ μουσεῖον καὶ τὰσ θεὰσ συντελεσθῆναι κἄν τι ἄλλο ἰσχύῃ περὶ αὐτὰσ ἐπικοσμηθῆναι πρὸσ τὸ κάλλιον· ἔπειτα τὴν Ἀριστοτέλουσ εἰκόνα τεθῆναι εἰσ τὸ ἱερὸν καὶ τὰ λοιπὰ ἀναθήματα ὅσα πρότερον ὑπῆρχεν ἐν τῷ ἱερῷ· εἶτα τὸ στωίδιον οἰκοδομηθῆναι τὸ πρὸσ τῷ μουσείῳ μὴ χεῖρον ἢ πρότερον· ἀναθεῖναι δὲ καὶ τοὺσ πίνακασ, ἐν οἷσ αἱ τῆσ γῆσ περίοδοί εἰσιν, εἰσ τὴν κάτω στοάν· ἐπισκευασθῆναι δὲ καὶ τὸν βωμόν, ὅπωσ ἔχῃ τὸ τέλειον καὶ τὸ εὔσχημον.

βούλομαι δὲ καὶ τὴν Νικομάχου εἰκόνα συντελεσθῆναι ἴσην. τὸ μὲν τῆσ πλάσεωσ ἔχει Πραξιτέλησ, τὸ δ’ ἄλλο ἀνάλωμα ἀπὸ τούτου γενέσθω. σταθῆναι δὲ ὅπου ἂν δοκῇ τοῖσ καὶ τῶν ἄλλων ἐπιμελουμένοισ τῶν ἐν τῇ διαθήκῃ γεγραμμένων. καὶ τὰ μὲν περὶ τὸ ἱερὸν καὶ τὰ ἀναθήματα τοῦτον ἐχέτω τὸν τρόπον. τὸ δὲ χωρίον τὸ ἐν Σταγείροισ ἡμῖν ὑπάρχον δίδωμι Καλλίνῳ· τὰ δὲ βιβλία πάντα Νηλεῖ. τὸν δὲ κῆπον καὶ τὸν περίπατον καὶ τὰσ οἰκίασ τὰσ πρὸσ τῷ κήπῳ πάσασ δίδωμι τῶν γεγραμμένων φίλων ἀεὶ τοῖσ βουλομένοισ συσχολάζειν καὶ συμφιλοσοφεῖν ἐν αὐταῖσ, ἐπειδήπερ οὐ δυνατὸν πᾶσιν ἀνθρώποισ ἀεὶ ἐπιδημεῖν, μήτ’ ἐξαλλοτριοῦσι μήτ’ ἐξιδιαζομένου μηδενόσ, ἀλλ’ ὡσ ἂν ἱερὸν κοινῇ κεκτημένοισ, καὶ τὰ πρὸσ ἀλλήλουσ οἰκείωσ καὶ φιλικῶσ χρωμένοισ, ὥσπερ προσῆκον καὶ δίκαιον. ἔστωσαν δὲ οἱ κοινωνοῦντεσ Ἵππαρχοσ, Νηλεύσ, Στράτων, Καλλῖνοσ, Δημότιμοσ, Δημάρατοσ, Καλλισθένησ, Μελάντησ, Παγκρέων, Νίκιπποσ.

ἐξεῖναι δὲ βουλομένῳ φιλοσοφεῖν καὶ Ἀριστοτέλει τῷ Μητροδώρου καὶ Πυθιάδοσ υἱῷ καὶ μετέχειν τούτων· καὶ αὐτοῦ πᾶσαν ἐπιμέλειαν ποιεῖσθαι τοὺσ πρεσβυτάτουσ, ὅπωσ ὅτι μάλιστα προαχθῇ κατὰ φιλοσοφίαν. θάψαι δὲ καὶ ἡμᾶσ ὅπου ἂν δοκῇ μάλιστα ἁρμόττον εἶναι τοῦ κήπου, μηδὲν περίεργον μήτε περὶ τὴν ταφὴν μήτε περὶ τὸ μνημεῖον ποιοῦντασ. ὅπωσ δὲ συνείρηται, μετὰ τὰ περὶ ἡμᾶσ συμβάντα, τὰ περὶ τὸ ἱερὸν καὶ τὸ μνημεῖον καὶ τὸν κῆπον καὶ τὸν περίπατον θεραπευόμενα συνεπιμελεῖσθαι καὶ Πομπύλον τούτων ἐποικοῦντα αὐτὸν καὶ τὴν τῶν ἄλλων ἐπιμέλειαν ποιούμενον ἣν καὶ πρότερον·

τῆσ δὲ λυσιτελείασ ἐπιμελεῖσθαι αὐτοὺσ τοὺσ ἔχοντασ ταῦτα. Πομπύλῳ δὲ καὶ Θρέπτῃ πάλαι ἐλευθέροισ οὖσι καὶ ἡμῖν πολλὴν χρείαν παρεσχημένοισ, εἴ τι πρότερον ἔχουσι παρ’ ἡμῶν καὶ εἴ τι αὐτοὶ ἐκτήσαντο καὶ ἃ νῦν παρ’ Ἱππάρχου αὐτοῖσ συντέταχα, δισχιλίασ δραχμάσ, ἀσφαλῶσ οἶμαι δεῖν αὐτοῖσ ὑπάρχειν ταῦτα, καθάπερ καὶ αὐτὸσ διελέχθην Μελάντῃ καὶ Παγκρέοντι πλεονάκισ καὶ πάντα μοι συγκατετίθεντο. δίδωμι δ’ αὐτοῖσ καὶ Σωματάλην τὴν παιδίσκην. τῶν δὲ παίδων Μόλωνα μὲν καὶ Τίμωνα καὶ Παρμένοντα ἤδη ἐλευθέρουσ ἀφίημι·

Μανῆν δὲ καὶ Καλλίαν παραμείναντασ ἔτη τέτταρα ἐν τῷ κήπῳ καὶ συνεργασαμένουσ καὶ ἀναμαρτήτουσ γενομένουσ ἀφίημι ἐλευθέρουσ. τῶν δὲ οἰκηματικῶν σκευῶν ἀποδιδόντασ Πομπύλῳ ὅσ’ ἂν δοκῇ τοῖσ ἐπιμεληταῖσ καλῶσ ἔχειν, τὰ λοιπὰ ἐξαργυρίσαι. δίδωμι δὲ καὶ Καρίωνα Δημοτίμῳ, Δόνακα δὲ Νηλεῖ· Εὔβοιον δ’ ἀποδόσθαι. δότω δ’ Ἵππαρχοσ Καλλίνῳ τρισχιλίασ δραχμάσ· Μελάντῃ δὲ καὶ Παγκρέοντι εἰ μὲν μὴ ἑωρῶμεν Ἵππαρχον καὶ ἡμῖν πρότερον χρείαν παρεσχημένον καὶ νῦν ἐν τοῖσ ἰδίοισ μάλα νεναυαγηκότα, προσετάξαμεν ἂν μετὰ Μελάντου καὶ Παγκρέοντοσ ἐξάγειν αὐτά. ἐπειδὴ δὲ οὔτ’ ἐκείνοισ ἑώρων ῥᾴδιον ὄντα συνοικονομεῖν λυσιτελέστερόν τ’ αὐτοῖσ ὑπελάμβανον εἶναι τεταγμένον τι λαβεῖν παρὰ Ἱππάρχου, δότω Ἵππαρχοσ Μελάντῃ καὶ Παγκρέοντι, ἑκατέρῳ τάλαντον·

διδόναι δ’ Ἵππαρχον καὶ τοῖσ ἐπιμεληταῖσ εἰσ τὰ ἀναλώματα τὰ ἐν τῇ διαθήκῃ γεγραμμένα κατὰ τοὺσ ἑκάστου καιροὺσ τῶν δαπανημάτων. οἰκονομήσαντα δὲ ταῦτα Ἵππαρχον ἀπηλλάχθαι τῶν συμβολαίων τῶν πρὸσ ἐμὲ πάντων· καὶ εἴ τι ἐπὶ τοῦ ἐμοῦ ὀνόματοσ συμβέβληκεν Ἵππαρχοσ ἐν Χαλκίδι, Ἱππάρχου τοῦτό ἐστιν. ἐπιμεληταὶ δὲ ἔστωσαν τῶν ἐν τῇ διαθήκῃ γεγραμμένων Ἵππαρχοσ, Νηλεύσ, Στράτων, Καλλῖνοσ, Δημότιμοσ, Καλλισθένησ, Κτήσαρχοσ. αἱ διαθῆκαι κεῖνται ἀντίγραφα τῷ Θεοφράστου δακτυλίῳ σεσημασμέναι, μία μὲν παρὰ Ἡγησίᾳ Ἱππάρχου·

μάρτυρεσ Κάλλιπποσ Παλληνεύσ, Φιλόμηλοσ Εὐωνυμεύσ, Λύσανδροσ Ὑβάδησ, Φίλων Ἀλωπεκῆθεν. τὴν δ’ ἑτέραν ἔχει Ὀλυμπιόδωροσ· μάρτυρεσ δ’ οἱ αὐτοί. τὴν δ’ ἑτέραν ἔλαβεν Ἀδείμαντοσ, ἀπήνεγκε δὲ Ἀνδροσθένησ ὁ υἱόσ· μάρτυρεσ Ἀρίμνηστοσ Κλεοβούλου, Λυσίστρατοσ Φείδωνοσ Θάσιοσ, Στράτων Ἀρκεσιλάου Λαμψακηνόσ, Θήσιπποσ Θησίππου ἐκ Κεραμέων, Διοσκουρίδησ Διονυσίου Ἐπικηφίσιοσ. " Ὧδ’ ἔχουσιν αὐτῷ καὶ αἱ διαθῆκαι. Ἀκοῦσαι δ’ αὐτοῦ καὶ Ἐρασίστρατον τὸν ἰατρόν εἰσιν οἳ λέγουσι· καὶ εἰκόσ.

일치하는 문장이 없습니다.

SEARCH

MENU NAVIGATION