헬라어 문장 검색 - Διογεν́Λιϝεσοφ́5́05́

(디오게네스 라에르티오스, Lives of Eminent Philosophers, E, Kef. e'. DHMHTRIOS)

Δημήτριοσ Φανοστράτου Φαληρεύσ. οὗτοσ ἤκουσε μὲν Θεοφράστου· δημηγορῶν δὲ παρ’ Ἀθηναίοισ τῆσ πόλεωσ ἐξηγήσατο ἔτη δέκα, καὶ εἰκόνων ἠξιώθη χαλκῶν ἑξήκοντα πρὸσ ταῖσ τριακοσίαισ, ὧν αἱ πλείουσ ἐφ’ ἵππων ἦσαν καὶ ἁρμάτων καὶ συνωρίδων, συντελεσθεῖσαι ἐν οὐδὲ τριακοσίαισ ἡμέραισ· τοσοῦτον ἐσπουδάσθη. ἄρξασθαι δ’ αὐτὸν τῆσ πολιτείασ φησὶ Δημήτριοσ ὁ Μάγνησ ἐν τοῖσ Ὁμωνύμοισ, ὁπότε φυγὼν Ἀλέξανδρον εἰσ Ἀθήνασ ἧκεν Ἅρπαλοσ. πολλὰ δὲ καὶ κάλλιστα τῇ πατρίδι ἐπολιτεύσατο. καὶ γὰρ προσόδοισ καὶ κατασκευαῖσ ηὔξησε τὴν πόλιν, καίπερ οὐκ εὐγενὴσ ὤν. ἦν γὰρ ἐκ τῆσ Κόνωνοσ οἰκίασ, ὡσ Φαβωρῖνοσ ἐν πρώτῳ τῶν Ἀπομνημονευμάτων φησίν, ἀλλ’ ἀστῇ καὶ εὐγενεῖ συνῴκει Λαμίᾳ τῇ ἐρωμένῃ, καθάπερ ὁ αὐτὸσ ἐν τῷ πρώτῳ φησίν·

ἀλλὰ καὶ ὑπὸ Κλέωνοσ πεπονθέναι ἐν τῷ δευτέρῳ ἱστορεῖ. Δίδυμοσ δ’ ἐν Συμποσιακοῖσ καὶ Χαριτοβλέφαρον καὶ Λαμπιτὼ καλεῖσθαι αὐτόν φησιν ἀπό τινοσ ἑταίρασ. λέγεται δ’ ἀποβαλόντα αὐτὸν τὰσ ὄψεισ ἐν Ἀλεξανδρείᾳ, κομίσασθαι αὖθισ παρὰ τοῦ Σαράπιδοσ· ὅθεν καὶ τοὺσ παιᾶνασ ποιῆσαι τοὺσ μέχρι νῦν ᾀδομένουσ. Σφόδρα δὲ λαμπρὸσ ὢν παρὰ τοῖσ Ἀθηναίοισ, ὅμωσ ἐπεσκοτήθη καὶ αὐτὸσ ὑπὸ τοῦ τὰ πάντα διεσθίοντοσ φθόνου. ἐπιβουλευθεὶσ γὰρ ὑπό τινων δίκην θανάτου οὐ παρὼν ὦφλεν.

οὐ μὴν ἐκυρίευσαν τοῦ σώματοσ αὐτοῦ, ἀλλὰ τὸν ἰὸν ἀπήρυγον εἰσ τὸν χαλκόν, κατασπάσαντεσ αὐτοῦ τὰσ εἰκόνασ καὶ τὰσ μὲν ἀποδόμενοι, τὰσ δὲ βυθίσαντεσ, τὰσ δὲ κατακόψαντεσ εἰσ ἀμίδασ· λέγεται γὰρ καὶ τοῦτο. μία δὲ μόνη σώζεται ἐν ἀκροπόλει. Φαβωρῖνοσ δέ φησιν ἐν Παντοδαπῇ ἱστορίᾳ τοῦτο ποιῆσαι τοὺσ Ἀθηναίουσ Δημητρίου κελεύσαντοσ τοῦ βασιλέωσ. ἀλλὰ καὶ τῷ ἔτει τῆσ ἀρχῆσ αὐτοῦ ἐπέγραψαν ἀνομίασ, ὡσ Φαβωρῖνοσ. Φησὶ δ’ αὐτὸν Ἕρμιπποσ μετὰ τὸν Κασάνδρου θάνατον φοβηθέντα Ἀντίγονον παρὰ Πτολεμαῖον ἐλθεῖν τὸν Σωτῆρα·

κἀκεῖ χρόνον ἱκανὸν διατρίβοντα συμβουλεύειν τῷ Πτολεμαίῳ πρὸσ τοῖσ ἄλλοισ καὶ τὴν βασιλείαν τοῖσ ἐξ Εὐρυδίκησ περιθεῖναι παισί. τοῦ δὲ οὐ πεισθέντοσ, ἀλλὰ παραδόντοσ τὸ διάδημα τῷ ἐκ Βερενίκησ, μετὰ τὴν ἐκείνου τελευτὴν ἀξιωθῆναι πρὸσ τούτου παραφυλάττεσθαι ἐν τῇ χώρᾳ μέχρι τι δόξει περὶ αὐτοῦ. ἐνταῦθα ἀθυμότερον διῆγε· καί πωσ ὑπνώττων ὑπ’ ἀσπίδοσ τὴν χεῖρα δηχθεὶσ τὸν βίον μεθῆκε. καὶ τέθαπται ἐν τῷ Βουσιρίτῃ νομῷ πλησίον Διοσπόλεωσ. Καὶ αὐτῷ ἐπεγράψαμεν ἡμεῖσ·

ἀνεῖλεν ἀσπὶσ τὸν σοφὸν Δημήτριον ἰὸν ἔχουσα πολὺν ἄσμηκτον, οὐ στίλβουσα φῶσ ἀπ’ ὀμμάτων, ἀλλ’ ἀΐδην μέλανα. Ἡρακλείδησ δ’ ἐν τῇ ἐπιτομῇ τῶν Σωτίωνοσ Διαδοχῶν τῷ Φιλαδέλφῳ τὴν βασιλείαν θέλειν ἐκχωρῆσαι τὸν Πτολεμαῖον· τὸν δ’ ἀποτρέπειν φάσκοντα, "ἂν ἄλλῳ δῷσ, σὺ οὐχ ἕξεισ. " ὁπηνίκα δ’ ἐσυκοφαντεῖτο ἐν ταῖσ Ἀθήναισ‐‐μανθάνω γὰρ καὶ τοῦτο‐‐Μένανδροσ ὁ κωμικὸσ παρ’ ὀλίγον ἦλθε κριθῆναι δι’ οὐδὲν ἄλλο ἢ ὅτι φίλοσ ἦν αὐτῷ· ἀλλ’ αὐτὸν παρῃτήσατο Τελεσφόροσ ὁ ἀνεψιὸσ τοῦ Δημητρίου. Πλήθει δὲ βιβλίων καὶ ἀριθμῷ στίχων σχεδὸν ἅπαντασ παρελήλακε τοὺσ κατ’ αὐτὸν περιπατητικούσ, εὐπαίδευτοσ ὢν καὶ πολύπειροσ παρ’ ὁντινοῦν·

ὧν ἐστι τὰ μὲν ἱστορικά, τὰ δὲ πολιτικά, τὰ δὲ περὶ ποιητῶν, τὰ δὲ ῥητορικά, δημηγοριῶν τε καὶ πρεσβειῶν, ἀλλὰ μὴν καὶ λόγων Αἰσωπείων συναγωγαὶ καὶ ἄλλα πλείω. ἔστι δὲ τὰ Περὶ τῆσ Ἀθήνησι νομοθεσίασ α’ β’ γ’ δ’ ε’. Περὶ τῶν Ἀθήνησι πολιτειῶν α’ β’. Περὶ δημαγωγίασ α’ β’. Περὶ πολιτικῶν α’ β’. Περὶ νόμων α’. Περὶ ῥητορικῆσ α’ β’. Στρατηγικῶν α’ β’. Περὶ Ἰλιάδοσ α’ β’.

Περὶ Ὀδυσσείασ α’ β’ γ’ δ’. Πτολεμαῖοσ α’. Ερωτικὸσ α’. Φαιδώνδασ α’. Μαίδων α’. Κλέων α’. Σωκράτησ α’. Ἀρταξέρξησ α’. Ὁμηρικὸσ α’. Ἀριστείδησ α’. Ἀριστόμαχοσ α’. Προτρεπτικὸσ α’. Ὑπὲρ τῆσ πολιτείασ α’. Περὶ τῆσ δεκαετίασ α’. Περὶ τῶν Ιὤνων α’. Πρεσβευτικὸσ α’. Περὶ πίστεωσ α’. Περὶ χάριτοσ α’. Περὶ τύχησ α’. Περὶ μεγαλοψυχίασ α’. Περὶ γάμου α’. Περὶ τοῦ δοκοῦ α’. Περὶ εἰρήνησ α’. Περὶ νόμων α’. Περὶ ἐπιτηδευμάτων α’. Περὶ καιροῦ α’. Διονύσιοσ α’. Χαλκιδικὸσ α’. Ἀθηναίων καταδρομὴ α’. Περὶ Ἀντιφάνουσ α’. Προοίμιον ἱστορικὸν α’. Ἐπιστολαὶ α’. Ἐκκλησία ἔνορκοσ α’. Περὶ γήρωσ α’. Δίκαια α’. Αἰσωπείων α’. Χρειῶν α’. Χαρακτὴρ δὲ φιλόσοφοσ, εὐτονίᾳ ῥητορικῇ καὶ δυνάμει κεκραμένοσ.

οὗτοσ ἀκούσασ ὅτι τὰσ εἰκόνασ αὐτοῦ κατέστρεψαν Ἀθηναῖοι, "ἀλλ’ οὐ τὴν ἀρετήν," ἔφη, "δι’ ἣν ἐκείνασ ἀνέστησαν. " ἔλεγε μικρὸν μὲν εἶναι μέροσ τὰσ ὀφρῦσ, ὅλῳ δ’ ἐπισκοτῆσαι τῷ βίῳ δύνασθαι. οὐ μόνον τὸν πλοῦτον ἔφη τυφλόν, ἀλλὰ καὶ τὴν ὁδηγοῦσαν αὐτὸν τύχην. ὅσον ἐν πολέμῳ δύνασθαι σίδηρον, τοσοῦτον ἐν πολιτείᾳ ἰσχύειν λόγον. ἰδών ποτε νεανίσκον ἄσωτον, "ἰδού," ἔφη, "τετράγωνοσ Ἑρμῆσ ἔχων σύρμα, κοιλίαν, αἰδοῖον, πώγωνα. " τῶν τετυ‐ φωμένων ἀνδρῶν ἔφη τὸ μὲν ὕψοσ δεῖν περιαιρεῖν, τὸ δὲ φρόνημα καταλείπειν. τοὺσ νέουσ ἔφη δεῖν ἐπὶ μὲν τῆσ οἰκίασ τοὺσ γονέασ αἰδεῖσθαι, ἐν δὲ ταῖσ ὁδοῖσ τοὺσ ἀπαντῶντασ, ἐν δὲ ταῖσ ἐρημίαισ ἑαυτούσ. τοὺσ φίλουσ ἐπὶ μὲν τὰ ἀγαθὰ παρακαλουμένουσ ἀπιέναι, ἐπὶ δὲ τὰσ συμφορὰσ αὐτομάτουσ.

τοσαῦτα καὶ εἰσ τοῦτον ἀναφέρεσθαι δοκεῖ. Γεγόνασι δὲ Δημήτριοι ἀξιόλογοι εἴκοσι· πρῶτοσ Χαλκηδόνιοσ, ῥήτωρ καὶ Θρασυμάχου πρεσβύτεροσ· δεύτεροσ αὐτὸσ οὗτοσ· τρίτοσ Βυζάντιοσ, περιπατητικόσ· τέταρτοσ καλούμενοσ Γραφικὸσ καὶ σαφὴσ διηγήσασθαι· ἦν δὲ ὁ αὐτὸσ καὶ ζωγράφοσ· πέμπτοσ Ἀσπένδιοσ, μαθητὴσ Ἀπολλωνίου τοῦ Σολέωσ· ἕκτοσ Καλλατιανόσ, ὁ γεγραφὼσ περὶ Ἀσίασ καὶ Εὐρώπησ εἴκοσι βίβλουσ· ἕβδομοσ Βυζάντιοσ, ἐν τρισκαίδεκα βιβλίοισ γεγραφὼσ τὴν Γαλατῶν διάβασιν ἐξ Εὐρώπησ εἰσ Ἀσίαν καὶ ἐν ἄλλοισ ὀκτὼ τὰ περὶ Ἀντίοχον καὶ Πτολεμαῖον καὶ τὴν τῆσ Λιβύησ ὑπ’ αὐτῶν διοίκησιν· ὄγδοοσ ὁ διατρίψασ ἐν Ἀλεξανδρείᾳ σοφιστήσ, τέχνασ γεγραφὼσ ῥητορικάσ·

ἔνατοσ Ἀδραμυττηνὸσ γραμματικόσ, ἐπικληθεὶσ Ἰξίων διὰ τὸ ἀδικῆσαί τι δοκεῖν περὶ τὴν Ἥραν· δέκατοσ Κυρηναῖοσ, γραμματικόσ, ὁ ἐπικληθεὶσ Στάμνοσ, ἀνὴρ ἀξιόλογοσ· ἑνδέκατοσ Σκήψιοσ, πλούσιοσ καὶ εὐγενὴσ ἄνθρωποσ καὶ φιλόλογοσ ἄκρωσ· οὗτοσ καὶ Μητρόδωρον προεβίβασε τὸν πολίτην. δωδέκατοσ γραμματικὸσ Ἐρυθραῖοσ, πολιτογρα‐ φηθεὶσ ἐν τῇ Μνῷ· τρισκαιδέκατοσ Βιθυνὸσ Διφίλου τοῦ στωϊκοῦ υἱόσ, μαθητὴσ δὲ Παναιτίου τοῦ Ῥοδίου· τεσσαρεσκαιδέκατοσ ῥήτωρ Σμυρναῖοσ.

ἕκτοσ Ἐρυθραῖοσ, ποικιλογράφοσ ἄνθρωποσ, ὃσ καὶ ἱστορικὰ καὶ ῥητορικὰ πεποίηκε βιβλία. καὶ οὗτοι μὲν λογικοί. ποιηταὶ δὲ πρῶτοσ ἀρχαίαν κωμῳδίαν πεποιηκώσ· δεύτεροσ ἐπῶν ποιητήσ, οὗ μόνα σώζεται πρὸσ τοὺσ φθονεροὺσ εἰρημένα τάδε· ζωὸν ἀτιμήσαντεσ ἀποφθίμενον ποθέουσι· καί ποθ’ ὑπὲρ τύμβοιο καὶ ἀπνόου εἰδώλοιο ἄστεα νεῖκοσ ἐπῆλθεν, ἔριν δ’ ἐστήσατο λαόσ. τρίτοσ Ταρσικὸσ σατυρογράφοσ· τέταρτοσ ἰάμβουσ γεγραφώσ, πικρὸσ ἀνήρ· πέμπτοσ ἀνδριαντοποιόσ, οὗ μέμνηται Πολέμων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, E, Kef. e'. DHMHTRIOS

(디오게네스 라에르티오스, Lives of Eminent Philosophers, E, Kef. e'. DHMHTRIOS)

상위

목록

SEARCH

MENU NAVIGATION