헬라어 문장 검색 - Διογεν́Λιϝεσοφ́5́06́

(디오게네스 라에르티오스, Lives of Eminent Philosophers, E, Kef. s'. HRAKLEIDHS)

Ἡρακλείδησ Εὐθύφρονοσ Ἡρακλεώτησ τοῦ Πόντου, ἀνὴρ πλούσιοσ. Ἀθήνησι δὲ παρέβαλε πρῶτον μὲν Σπευσίππῳ· ἀλλὰ καὶ τῶν Πυθαγορείων διήκουσε καὶ τὰ Πλάτωνοσ ἐζηλώκει· καὶ ὕστερον ἤκουσεν Ἀριστοτέλουσ, ὥσ φησι Σωτίων ἐν Διαδοχαῖσ. οὗτοσ ἐσθῆτί τε μαλακῇ ἐχρῆτο καὶ ὑπέρογκοσ ἦν τὸ σῶμα, ὥστ’ αὐτὸν ὑπὸ τῶν Ἀττικῶν μὴ Ποντικὸν ἀλλὰ Πομπικὸν καλεῖσθαι. πρᾷόσ τ’ ἦν τὸ βλέμμα καὶ σεμνόσ. φέρεται δ’ αὐτοῦ συγγράμματα κάλλιστά τε καὶ ἄριστα· διάλογοι, ὧν ἠθικὰ μὲν Περὶ δικαιοσύνησ γ’. Ἓν δὲ περὶ σωφροσύνησ Περί τ’ εὐσεβείασ ε’ καὶ Περὶ ἀνδρείασ α’. Κοινῶσ τε περὶ ἀρετῆσ α’ καὶ ἄλλο. Περὶ εὐδαιμονίασ α’. Περὶ τῆσ ἀρχῆσ α’ καὶ Νόμων α’ καὶ τῶν συγγενῶν τούτοισ.

Περὶ ὀνομάτων α’. Συνθῆκαι α’. Ἀκούσιοσ α’. Ἐρωτικὸσ καὶ Κλεινίασ α’. Φυσικὰ δὲ Περὶ νοῦ. Περὶ ψυχῆσ καὶ κατ’ ἰδίαν περὶ ψυχῆσ καὶ Περὶ φύσεωσ καὶ Περὶ εἰδώλων. Πρὸσ Δημόκριτον. Περὶ τῶν ἐν οὐρανῷ α’. Περὶ τῶν ἐν ᾅδου. Περὶ βίων α’ β’. Αἰτίαι περὶ νόσων α’. Περὶ τἀγαθοῦ α’. Πρὸσ τὰ Ζήνωνοσ α’. Πρὸσ τὰ Μήτρωνοσ α’. Γραμματικὰ δὲ Περὶ τῆσ Ὁμήρου καὶ Ἡσιόδου ἡλικίασ α’ β’. Περὶ Ἀρχιλόχου καὶ Ὁμήρου α’ β’. Καὶ μουσικὰ δὲ Περὶ τῶν παρ’ Εὐριπίδῃ καὶ Σοφοκλεῖ α’ β’ γ’. Περὶ μουσικῆσ α’ β’. Λύσεων Ὁμηρικῶν α’ β’.

Θεωρηματικὸν α’. Περὶ τῶν τριῶν τραγῳδοποιῶν α’. Χαρακτῆρεσ α’. Περὶ ποιητικῆσ καὶ τῶν ποιητῶν α’. Περὶ στοχασμοῦ α’. Προοπτικὸν α’. Ἡρακλείτου ἐξηγήσεισ δ’. Πρὸσ τὸν Δημόκριτον ἐξηγήσεισ α’. Λύσεων ἐριστικῶν α’ β’. Ἀξίωμα α’. Περὶ εἰδῶν α’. Λύσεισ α’. Ὑποθῆκαι α’. Πρὸσ Διονύσιον α’. Ῥητορικὰ δὲ Περὶ τοῦ ῥητορεύειν ἢ Πρωταγόρασ. Ἱστορικά· Περὶ τῶν Πυθαγορείων καὶ Περὶ εὑρημάτων. Τούτων τὰ μὲν κωμικῶσ πέπλακεν, ὡσ τὸ Περὶ ἡδονῆσ καὶ Περὶ σωφροσύνησ· τὰ δὲ τραγικῶσ, ὡσ τὸ Περὶ τῶν καθ’ ᾅδην καὶ τὸ Περὶ εὐσεβείασ καὶ τὸ Περὶ ἐξουσίασ. Ἔστι δ’ αὐτῷ καὶ μεσότησ τισ ὁμιλητικὴ φιλοσόφων τε καὶ στρατηγικῶν καὶ πολιτικῶν ἀνδρῶν πρὸσ ἀλλήλουσ διαλεγομένων.

ἀλλὰ καὶ γεωμετρικά ἐστιν αὐτοῦ καὶ διαλεκτικά. ἄλλωσ τ’ ἐν ἅπασι ποικίλοσ τε καὶ διηρμένοσ τὴν λέξιν ἐστὶ καὶ ψυχαγωγεῖν ἱκανῶσ δυνάμενοσ. Δοκεῖ δὲ καὶ τὴν πατρίδα τυραννουμένην ἐλευθερῶσαι, τὸν μόναρχον κτείνασ, ὥσ φησι Δημήτριοσ ὁ Μάγνησ ἐν Ὁμωνύμοισ. ὃσ καὶ τοιόνδε ἱστορεῖ περὶ αὐτοῦ· "θρέψαι αὐτὸν δράκοντα ἐκ νέου καὶ αὐξηθέντα, ἐπειδὴ τελευτᾶν ἔμελλε, κελεῦσαί τινι τῶν πιστῶν αὑτοῦ τὸ σῶμα κατακρύψαι, τὸν δὲ δράκοντα ἐπὶ τῆσ κλίνησ θεῖναι, ἵνα δόξειεν εἰσ θεοὺσ μεταβεβηκέναι. ἐγένετο δὲ πάντα.

καὶ μεταξὺ παραπεμπόντων Ἡρακλείδην τῶν πολιτῶν καὶ εὐφημούντων, ὁ δράκων ἀκούσασ τῆσ ἐπιβοῆσ ἐξέδυ τῶν ἱματίων καὶ διετάραξε τοὺσ πλείστουσ. ὕστερον μέντοι ἐξεκαλύφθη πάντα καὶ ὤφθη Ἡρακλείδησ οὐχ οἱο͂σ ἐδόκει, ἀλλ’ οἱο͂σ ἦν. " Καὶ ἔστιν ἡμῶν εἰσ αὐτὸν οὕτωσ ἔχον· ἤθελεσ ἀνθρώποισι λιπεῖν φάτιν, Ἡρακλείδη, ὥσ ῥα θανὼν ἐγένου ζωὸσ ἅπασι δράκων. ἀλλὰ διεψεύσθησ, σεσοφισμένε· δὴ γὰρ ὁ μὲν θὴρ ἠε͂ δράκων, σὺ δὲ θήρ, οὐ σοφὸσ ὤν, ἑάλωσ. ταῦτα δέ φησι καὶ Ἱππόβοτοσ. Ἕρμιπποσ δὲ λιμοῦ κατασχόντοσ τὴν χώραν φησὶν αἰτεῖν τοὺσ Ἡρακλεώτασ τὴν Πυθίαν λύσιν.

τὸν δὲ Ἡρακλείδην διαφθεῖραι χρήμασι τούσ τε θεωροὺσ καὶ τὴν προειρημένην, ὥστ’ ἀνειπεῖν ἀπαλλαγήσεσθαι τοῦ κακοῦ, εἰ ζῶν μὲν Ἡρακλείδησ ὁ Εὐθύφρονοσ χρυσῷ στεφάνῳ στεφανωθείη πρὸσ αὐτῶν, ἀποθανὼν δὲ ὡσ ἡρ́ωσ τιμῷτο. ἐκομίσθη ὁ δῆθεν χρησμὸσ καὶ οὐδὲν ὤναντο οἱ πλάσαντεσ αὐτόν. αὐτίκα γὰρ ἐν τῷ θεάτρῳ στεφανούμενοσ ὁ Ἡρακλείδησ ἀπόπληκτοσ ἐγένετο, οἵ τε θεωροὶ καταλευσθέντεσ διεφθάρησαν. ἀλλὰ καὶ ἡ Πυθία τὴν αὐτὴν ὡρ́αν κατιοῦσα ἐσ τὸ ἄδυτον καὶ ἐπιστᾶσα ἑνὶ τῶν δρακόντων δηχθεῖσα παραχρῆμα ἀπέπνευσε. καὶ τὰ μὲν περὶ τὸν θάνατον αὐτοῦ τοσαῦτα. Φησὶ δ’ Ἀριστόξενοσ ὁ μουσικὸσ καὶ τραγῳδίασ αὐτὸν ποιεῖν καὶ Θέσπιδοσ αὐτὰσ ἐπιγράφειν.

Χαμαιλέων τε τὰ παρ’ ἑαυτοῦ φησι κλέψαντα αὐτὸν τὰ περὶ Ἡσιόδου καὶ Ὁμήρου γράψαι· ἀλλὰ καὶ Αὐτόδωροσ ὁ Ἐπικούρειοσ ἐπιτιμᾷ αὐτῷ, τοῖσ περὶ δικαιοσύνησ ἀντιλέγων. ἔτι καὶ Διονύσιοσ ὁ Μεταθέμενοσ <ἢ Σπίνθαροσ, ὡσ ἔνιοι> γράψασ τὸν Παρθενοπαῖον ἐπέγραψε Σοφοκλέουσ. ὁ δὲ πιστεύσασ εἴσ τι τῶν ἰδίων συγγραμμάτων ἐχρῆτο μαρτυρίοισ ὡσ Σοφοκλέουσ. αἰσθόμενοσ δ’ ὁ Διονύσιοσ ἐμήνυσεν αὐτῷ τὸ γεγονόσ·

τοῦ δ’ ἀρνουμένου καὶ ἀπιστοῦντοσ ἐπέστειλεν ἰδεῖν τὴν παραστιχίδα· καὶ εἶχε Πάγκαλοσ. οὗτοσ δ’ ἦν ἐρώμενοσ Διονυσίου· ὡσ δ’ ἔτι ἀπιστῶν ἔλεγε κατὰ τὴν τύχην ἐνδέχεσθαι οὕτωσ ἔχειν, πάλιν ἀντεπέστειλεν ὁ Διονύσιοσ ὅτι "καὶ ταῦτα εὑρήσεισ· α. γέρων πίθηκοσ οὐχ ἁλίσκεται πάγῃ· β. ἁλίσκεται μέν, μετὰ χρόνον δ’ ἁλίσκεται. " καὶ πρὸσ τούτοισ· "Ἡρακλείδησ γράμματα οὐκ ἐπίσταται οὐδ’ ᾐσχύνθη. " Γεγόνασι δ’ Ἡρακλεῖδαι τεσσαρεσκαίδεκα· πρῶτοσ αὐτὸσ οὗτοσ· δεύτεροσ πολίτησ αὐτοῦ, πυρρίχασ καὶ φλυαρίασ συντεταγμένοσ· τρίτοσ Κυμαῖοσ, γεγραφὼσ Περσικὰ ἐν πέντε βιβλίοισ·

τέταρτοσ Κυμαῖοσ, ῥήτωρ τέχνασ γεγραφώσ· πέμπτοσ Καλλατιανὸσ ἢ Ἀλεξανδρεύσ, γεγραφὼσ τὴν Διαδοχὴν ἐν ἓξ βιβλίοισ καὶ Λεμβευτικὸν λόγον, ὅθεν καὶ Λέμβοσ ἐκαλεῖτο· ἕκτοσ Ἀλεξανδρεύσ, γεγραφὼσ τὰ Περσικὰ ἰδιώματα· ἕβδομοσ διαλεκτικὸσ Βαργυληΐτησ, κατ’ Ἐπικούρου γεγραφώσ· ὄγδοοσ ἰατρὸσ τῶν ἀπὸ Ἱκεσίου· ἔνατοσ ἰατρὸσ Ταραντῖνοσ, ἐμπειρικόσ· δέκατοσ ποιητικόσ, παραινέσεισ γεγραφώσ· ἑνδέκατοσ ἀνδριαντοποιὸσ Φωκαεύσ· δωδέκατοσ ἐπιγραμμάτων ποιητὴσ λιγυρόσ· τρισκαιδέκατοσ Μάγνησ, Μιθραδατικὰ γεγραφώσ· τεσσαρεσκαι δέκατοσ ἀστρολογούμενα συγγεγραφώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, E, Kef. s'. HRAKLEIDHS

(디오게네스 라에르티오스, Lives of Eminent Philosophers, E, Kef. s'. HRAKLEIDHS)

상위

목록

SEARCH

MENU NAVIGATION