Diogenes Laertius, Lives of Eminent Philosophers, ISTORIWN Z, Kef. e'. KLEANQHS 4:

Ἐρομένου τινὸσ τί ὑποτίθεσθαι δεῖ τῷ υἱῷ, "τὸ τῆσ Ἠλέκτρασ," ἔφη, σῖγα, σῖγα, λεπτὸν ἴχνοσ. Λάκωνόσ τινοσ εἰπόντοσ ὅτι ὁ πόνοσ ἀγαθόν, διαχυθείσ φησιν, αἵματόσ εἰσ ἀγαθοῖο, φίλον τέκοσ. φησὶ δ’ ὁ Ἑκάτων ἐν ταῖσ Χρείαισ, εὐμόρφου μειρακίου εἰπόντοσ, "εἰ ὁ εἰσ τὴν γαστέρα τύπτων γαστρίζει, καὶ ὁ εἰσ τοὺσ μηροὺσ τύπτων μηρίζει," ἔφη, "σὺ μέντοι τοὺσ διαμηρισμοὺσ ἔχε, μειράκιον· αἱ δ’ ἀνάλογοι φωναὶ τὰ ἀνάλογα οὐ πάντωσ σημαίνουσι πράγματα. " μειρακίῳ ποτὲ διαλεγόμενοσ ἐπύθετο εἰ αἰσθάνεται· τοῦ δ’ ἐπινεύσαντοσ, "διὰ τί οὖν," εἶπεν, "ἐγὼ οὐκ αἰσθάνομαι ὅτι αἰσθάνῃ;