헬라어 문장 검색 - Διογεν́Λιϝεσοφ́7́05́

(디오게네스 라에르티오스, Lives of Eminent Philosophers, ISTORIWN Z, Kef. e'. KLEANQHS)

Κλεάνθησ Φανίου Ἄσσιοσ. οὗτοσ πρῶτον ἦν πύκτησ, ὥσ φησιν Ἀντισθένησ ἐν Διαδοχαῖσ. ἀφικόμενοσ δ’ εἰσ Ἀθήνασ τέσσαρασ ἔχων δραχμάσ, καθά φασί τινεσ, καὶ Ζήνωνι παραβαλὼν ἐφιλοσόφησε γενναιότατα καὶ ἐπὶ τῶν αὐτῶν ἔμεινε δογμάτων. διεβοήθη δ’ ἐπὶ φιλοπονίᾳ, ὅσ γε πένησ ὢν ἄγαν ὡρ́μησε μισθοφορεῖν· καὶ νύκτωρ μὲν ἐν τοῖσ κήποισ ἤντλει, μεθ’ ἡμέραν δ’ ἐν τοῖσ λόγοισ ἐγυμνάζετο· ὅθεν καὶ Φρεάντλησ ἐκλήθη. φασὶ δ’ αὐτὸν καὶ εἰσ δικαστήριον ἀχθῆναι, λόγουσ δώσοντα πόθεν ἐσ τοσοῦτον εὐέκτησ ὢν διαζῇ· ἔπειτ’ ἀποφυγεῖν, τόν τε κηπουρὸν μάρτυρα παρασχόντα παρ’ ὃν ἤντλει, καὶ τὴν ἀλφιτόπωλιν παρ’ ᾗ τἄλφιτα ἔπεττεν. ἀποδεξαμένουσ δ’ αὐτὸν τοὺσ Ἀρεοπαγίτασ ψηφίσασθαι δέκα μνᾶσ δοθῆναι, Ζήνωνα δὲ κωλῦσαι λαβεῖν.

φασὶ δὲ καὶ Ἀντίγονον αὐτῷ τρισχιλίασ δοῦναι. ἡγούμενόν τε τῶν ἐφήβων ἐπί τινα θέαν ὑπ’ ἀνέμου παραγυμνωθῆναι καὶ ὀφθῆναι ἀχίτωνα· ἐφ’ ᾧ κρότῳ τιμηθῆναι ὑπ’ Ἀθηναίων, καθά φησι Δημήτριοσ ὁ Μάγνησ ἐν τοῖσ Ὁμωνύμοισ. ἐθαυμάσθη δὴ οὖν καὶ διὰ τόδε. φασὶ δὲ καὶ Ἀντίγονον αὐτοῦ πυθέσθαι ὄντα ἀκροατήν, διὰ τί ἀντλεῖ· τὸν δ’ εἰπεῖν, "ἀντλῶ γὰρ μόνον; τίδ’ ; οὐχὶ σκάπτω ; τίδ’ ; οὐκ ἄρδω καὶ πάντα ποιῶ φιλοσοφίασ ἕνεκα; καὶ γὰρ ὁ Ζήνων αὐτὸν συνεγύμναζεν εἰσ τοῦτο καὶ ἐκέλευεν ὀβολὸν φέρειν ἀποφορᾶσ. καί ποτ’ ἀθροισθὲν τὸ κέρμα ἐκόμισεν εἰσ μέσον τῶν γνωρίμων καί φησι, "Κλεάνθησ μὲν καὶ ἄλλον Κλεάνθην δύναιτ’ ἂν τρέφειν, εἰ βούλοιτο·

οἱ δ’ ἔχοντεσ ὅθεν τραφήσονται παρ’ ἑτέρων ἐπιζητοῦσι τἀπιτήδεια, καίπερ ἀνειμένωσ φιλοσοφοῦντεσ. " ὅθεν δὴ καὶ δεύτεροσ Ἡρακλῆσ ὁ Κλεάνθησ ἐκαλεῖτο. ἦν δὲ πονικὸσ μέν, ἀφύσικοσ δὲ καὶ βραδὺσ ὑπερβαλλόντωσ· διὸ καὶ Τίμων περὶ αὐτοῦ φησιν οὕτωσ· τίσ δ’ οὗτοσ κτίλοσ ὣσ ἐπιπωλεῖται στίχασ ἀνδρῶν, μωλύτησ ἐπέων φίλοσ Ἄσσιοσ, ὅλμοσ ἄτολμοσ; Καὶ σκωπτόμενοσ δ’ ὑπὸ τῶν συμμαθητῶν ἠνείχετο καὶ ὄνοσ ἀκούων προσεδέχετο, λέγων αὐτὸσ μόνοσ δύνασθαι βαστάζειν τὸ Ζήνωνοσ φορτίον. καί ποτ’ ὀνειδιζόμενοσ ὡσ δειλόσ, "διὰ τοῦτο," εἶπεν, "ὀλίγα ἁμαρτάνω.

" προκρίνων δὲ τὸν ἑαυτοῦ βίον τοῦ τῶν πλουσίων ἔλεγεν, ἐν ᾧ σφαιρίζουσιν ἐκεῖνοι γῆν σκληρὰν καὶ ἄκαρπον αὐτὸσ ἐργάζεσθαι σκάπτων. πολλάκισ δὲ καὶ ἑαυτῷ ἐπέπληττεν· ὧν ἀκούσασ Ἀρίστων, "τίνι," ἔφη, "ἐπιπλήττεισ; καὶ ὃσ γελάσασ, "πρεσβύτῃ, φησί, "πολιὰσ μὲν ἔχοντι, νοῦν δὲ μή. " εἰπόντοσ δέ τινοσ Ἀρκεσίλαον μὴ ποιεῖν τὰ δέοντα, "παῦσαι," ἔφη, "καὶ μὴ ψέγε· εἰ γὰρ καὶ λόγῳ τὸ καθῆκον ἀναιρεῖ, τοῖσ γοῦν ἔργοισ αὐτὸ τιθεῖ. " καὶ ὁ Ἀρκεσίλαοσ, "οὐ κολακεύομαι," φησί· πρὸσ ὃν ὁ Κλεάνθησ, "ναί," ἔφη, "σὲ κολακεύω φάμενοσ ἄλλα μὲν λέγειν, ἕτερα δὲ ποιεῖν. Ἐρομένου τινὸσ τί ὑποτίθεσθαι δεῖ τῷ υἱῷ, "τὸ τῆσ Ἠλέκτρασ," ἔφη, σῖγα, σῖγα, λεπτὸν ἴχνοσ.

Λάκωνόσ τινοσ εἰπόντοσ ὅτι ὁ πόνοσ ἀγαθόν, διαχυθείσ φησιν, αἵματόσ εἰσ ἀγαθοῖο, φίλον τέκοσ. φησὶ δ’ ὁ Ἑκάτων ἐν ταῖσ Χρείαισ, εὐμόρφου μειρακίου εἰπόντοσ, "εἰ ὁ εἰσ τὴν γαστέρα τύπτων γαστρίζει, καὶ ὁ εἰσ τοὺσ μηροὺσ τύπτων μηρίζει," ἔφη, "σὺ μέντοι τοὺσ διαμηρισμοὺσ ἔχε, μειράκιον· αἱ δ’ ἀνάλογοι φωναὶ τὰ ἀνάλογα οὐ πάντωσ σημαίνουσι πράγματα. " μειρακίῳ ποτὲ διαλεγόμενοσ ἐπύθετο εἰ αἰσθάνεται· τοῦ δ’ ἐπινεύσαντοσ, "διὰ τί οὖν," εἶπεν, "ἐγὼ οὐκ αἰσθάνομαι ὅτι αἰσθάνῃ; Σωσιθέου τοῦ ποιητοῦ ἐν θεάτρῳ εἰπόντοσ πρὸσ αὐτὸν παρόντα, οὓσ ἡ Κλεάνθουσ μωρία βοηλατεῖ, ἔμεινεν ἐπὶ ταὐτοῦ σχήματοσ·

ἐφ’ ᾧ ἀγασθέντεσ οἱ ἀκροαταὶ τὸν μὲν ἐκρότησαν, τὸν δὲ Σωσίθεον ἐξέβαλον. μεταγινώσκοντα δ’ αὐτὸν ἐπὶ τῇ λοιδορίᾳ προσήκατο, εἰπὼν ἄτοπον εἶναι τὸν μὲν Διόνυσον καὶ τὸν Ἡρακλέα φλυαρουμένουσ ὑπὸ τῶν ποιητῶν μὴ ὀργίζεσθαι, αὐτὸν δ’ ἐπὶ τῇ τυχούσῃ βλασφημίᾳ δυσχεραίνειν. ἔλεγε δὲ καὶ τοὺσ ἐκ τοῦ περιπάτου ὅμοιόν τι πάσχειν ταῖσ λύραισ, αἳ καλῶσ φθεγξάμεναι αὑτῶν οὐκ ἀκούουσι. λέγεται δέ, φάσκοντοσ αὐτοῦ κατὰ Ζήνωνα καταληπτὸν εἶναι τὸ ἦθοσ ἐξ εἴδουσ, νεανίσκουσ τινὰσ εὐτραπέλουσ ἀγαγεῖν πρὸσ αὐτὸν κίναιδον ἐσκληραγωγημένον ἐν ἀγρῷ καὶ ἀξιοῦν ἀποφαίνεσθαι περὶ τοῦ ἤθουσ· τὸν δὲ διαπορούμενον κελεῦσαι ἀπιέναι τὸν ἄνθρωπον. ὡσ δ’ ἀπιὼν ἐκεῖνοσ ἔπταρεν, "ἔχω," εἶπεν, "αὐτόν," ὁ Κλεάνθησ, "μαλακόσ ἐστι. πρὸσ δὲ τὸν μονήρη καὶ ἑαυτῷ λαλοῦντα, "οὐ φαύλῳ," ἔφη, "ἀνθρώπῳ λαλεῖσ.

" ὀνειδίσαντοσ αὐτῷ τινοσ εἰσ τὸ γῆρασ, "Κἀγώ," ἔφη, "ἀπιέναι βούλομαι· ὅταν δὲ πανταχόθεν ἐμαυτὸν ὑγιαίνοντα περινοῶ καὶ γράφοντα καὶ ἀναγινώσκοντα, πάλιν μένω. " τοῦτόν φασιν εἰσ ὄστρακα καὶ βοῶν ὠμοπλάτασ γράφειν ἅπερ ἤκουε παρὰ τοῦ Ζήνωνοσ, ἀπορίᾳ κερμάτων ὥστε ὠνήσασθαι χαρτία. τοιοῦτοσ δ’ ὢν ἐξίσχυσε, πολλῶν καὶ ἄλλων ὄντων ἀξιολόγων Ζήνωνοσ μαθητῶν, αὐτὸσ διαδέξασθαι τὴν σχολήν. Βιβλία δὲ κάλλιστα καταλέλοιπεν, ἅ ἐστι τάδε· Περὶ χρόνου. Περὶ τῆσ [τοῦ] Ζήνωνοσ φυσιολογίασ δύο. Τῶν Ἡρακλείτου ἐξηγήσεισ, τέσσαρα. Περὶ αἰσθήσεωσ. Περὶ τέχνησ. Πρὸσ Δημόκριτον. Πρὸσ Ἀρίσταρχον. Πρὸσ Ἥριλλον. Περὶ ὁρμῆσ δύο. Ἀρχαιολογία.

Περὶ θεῶν. Περὶ γιγάντων. Περὶ ὑμεναίου. Περὶ τοῦ ποιητοῦ. Περὶ τοῦ καθήκοντοσ τρία. Περὶ εὐβουλίασ. Περὶ χάριτοσ. Προτρεπτικόσ. Περὶ ἀρετῶν. Περὶ εὐφυϊάσ. Περὶ Γοργίππου. Περὶ φθονερίασ. Περὶ ἔρωτοσ. Περὶ ἐλευθερίασ. Ἐρωτικὴ τέχνη. Περὶ τιμῆσ. Περὶ δόξησ. Πολιτικόσ. Περὶ βουλῆσ Περὶ νόμων. Περὶ τοῦ δικάζειν. Περὶ ἀγωγῆσ. Περὶ τοῦ λόγου τρία. Περὶ τέλουσ. Περὶ καλῶν. Περὶ πράξεων. Περὶ ἐπιστήμησ. Περὶ βασιλείασ. Περὶ φιλίασ. Περὶ συμποσίου. Περὶ τοῦ ὅτι ἡ αὐτὴ ἀρετὴ [καὶ] ἀνδρὸσ καὶ γυναικόσ. Περὶ τοῦ τὸν σοφὸν σοφιστεύειν. Περὶ χρειῶν. Διατριβῶν δύο. Περὶ ἡδονῆσ. Περὶ ἰδίων. Περὶ τῶν ἀπόρων. Περὶ διαλεκτικῆσ. Περὶ τρόπων. Περὶ κατηγορημάτων. Ταῦτα αὐτῷ τὰ βιβλία. Καὶ τελευτᾷ τόνδε τὸν τρόπον·

διῴδησεν αὐτῷ τὸ οὖλον· ἀπαγορευσάντων δὲ τῶν ἰατρῶν, δύο ἡμέρασ ἀπέσχετο τροφῆσ. καί πωσ ἔσχε καλῶσ ὥστε τοὺσ ἰατροὺσ αὐτῷ πάντα τὰ συνήθη συγχωρεῖν· τὸν δὲ μὴ ἀνασχέσθαι, ἀλλ’ εἰπόντα ἤδη αὐτῷ προωδοιπορῆσθαι καὶ τὰσ λοιπὰσ ἀποσχόμενον τελευτῆσαι ταὐτὰ Ζήνωνι, καθά φασί τινεσ, [ὀγδοήκοντα] ἔτη βιώσαντα καὶ ἀκούσαντα Ζήνωνοσ ἔτη ἐννεακαίδεκα. Ἐπαίξαμεν δὴ καὶ ἡμεῖσ πρὸσ αὐτὸν οὕτωσ· Αἰνῶ Κλεάνθην, ἀλλὰ μᾶλλον Αἰ̈́δην· ἰδὼν γὰρ αὐτὸν πρέσβυν οὐκ ἠνέσχετο τὸ μὴ οὐ τὸ λοιπὸν ἄνεσιν ἐν φθιτοῖσ ἔχειν τοσοῦτον ἀντλήσαντα τοῦ βίου χρόνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ISTORIWN Z, Kef. e'. KLEANQHS

(디오게네스 라에르티오스, Lives of Eminent Philosophers, ISTORIWN Z, Kef. e'. KLEANQHS)

상위

목록

SEARCH

MENU NAVIGATION