헬라어 문장 검색 - Διογεν́Λιϝεσοφ́7́03́

(디오게네스 라에르티오스, Lives of Eminent Philosophers, ISTORIWN Z, Kef. g'. HRILLOS)

Ἥριλλοσ δ’ ὁ Καρχηδόνιοσ τέλοσ εἶπε τὴν ἐπιστήμην, ὅπερ ἐστὶ ζῆν ἀεὶ πάντ’ ἀναφέροντα πρὸσ τὸ μετ’ ἐπιστήμησ ζῆν καὶ μὴ τῇ ἀγνοίᾳ διαβεβλημένον. εἶναι δὲ τὴν ἐπιστήμην ἕξιν ἐν φαντασιῶν προσδέξει ἀνυπόπτωτον ὑπὸ λόγου. ποτὲ δ’ ἔλεγε μηδὲν εἶναι τέλοσ, ἀλλὰ κατὰ τὰσ περιστάσεισ καὶ τὰ πράγματ’ ἀλλάττεσθαι αὐτό, ὡσ καὶ τὸν αὐτὸν χαλκὸν ἢ Ἀλεξάνδρου γινόμενον ἀνδριάντα ἢ Σωκράτουσ. διαφέρειν δὲ τέλοσ καὶ ὑποτελίδα· τῆσ μὲν γὰρ καὶ τοὺσ μὴ σοφοὺσ στοχάζεσθαι, τοῦ δὲ μόνον τὸν σοφόν. τὰ δὲ μεταξὺ ἀρετῆσ καὶ κακίασ ἀδιάφορα εἶναι. ἔστι δ’ αὐτοῦ τὰ βιβλία ὀλιγόστιχα μέν, δυνάμεωσ δὲ μεστὰ καὶ περιέχοντα ἀντιρρήσεισ πρὸσ Ζήνωνα. Λέγεται δ’ ὅτι παιδὸσ ὄντοσ αὐτοῦ ἠράσθησαν ἱκανοί, οὓσ ἀποτρέψαι βουλόμενοσ ὁ Ζήνων ἠνάγκασε ξυρᾶσθαι Ἥριλλον, οἱ δ’ ἀπετράποντο.

Τὰ δὲ βιβλία ἐστὶ τάδε· Περὶ ἀσκήσεωσ. Περὶ παθῶν. Περὶ ὑπολήψεωσ. Νομοθέτησ. Μαιευτικόσ. Ἀντιφέρων. Διδάσκαλοσ. Διασκευάζων. Εὐθύνων. Ἑρμῆσ. Μήδεια. Διάλογοι. Θέσεων ἠθικῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ISTORIWN Z, Kef. g'. HRILLOS

(디오게네스 라에르티오스, Lives of Eminent Philosophers, ISTORIWN Z, Kef. g'. HRILLOS)

상위

목록

SEARCH

MENU NAVIGATION