Demosthenes, Speeches 51-61, Ἐπιτάφιοσ. 41:

οἱ μὲν οὖν ζῶντεσ οἰκεῖοι τούτων ἐλεινοί, τοιούτων ἀνδρῶν ἐστερημένοι καὶ συνηθείασ πολλῆσ καὶ φιλανθρώπου διεζευγμένοι, καὶ τὰ τῆσ πατρίδοσ πράγματ’ ἔρημα καὶ δακρύων καὶ πένθουσ πλήρη· οἱ δ’ εὐδαίμονεσ τῷ δικαίῳ λογισμῷ. πρῶτον μὲν ἀντὶ μικροῦ χρόνου πολὺν καὶ τὸν ἅπαντ’ εὔκλειαν ἀγήρω καταλείπουσιν, ἐν ᾗ καὶ παῖδεσ οἱ τούτων ὀνομαστοὶ τραφήσονται καὶ γονεῖσ οἱ τούτων περίβλεπτοι γηροτροφήσονται, παραψυχὴν τῷ πένθει τὴν τούτων εὔκλειαν ἔχοντεσ.