Demosthenes, Speeches 51-61, Κατὰ Διονυσοδώρου Βλάβης 55:

καὶ γὰρ τοῦτο, ἄνδρεσ Ἀθηναῖοι. θεάσασθε τὴν ὑπερβολήν. ἐρράγη ἡ ναῦσ, ὥσ φησιν οὗτοσ, καὶ διὰ τοῦτ’ εἰσ Ῥόδον κατήγαγεν αὐτήν. οὐκοῦν τὸ μετὰ τοῦτο ἐπεσκευάσθη καὶ πλόϊμοσ ἐγένετο. διὰ τί οὖν, ὦ βέλτιστε, εἰσ μὲν τὴν Αἴγυπτον καὶ τἄλλα ἐμπόρια ἀπέστελλεσ αὐτήν, Ἀθήναζε δὲ οὐκ ἀπέσταλκασ οὐδέπω καὶ νῦν πρὸσ ἡμᾶσ τοὺσ δανείσαντασ, οἷσ ἡ συγγραφὴ κελεύει σε ἐμφανῆ καὶ ἀνέπαφον τὴν ναῦν παρέχειν, καὶ ταῦτ’ ἀξιούντων ἡμῶν καὶ προκαλεσαμένων σε πολλάκισ;