Demosthenes, Speeches 51-61, Πρὸσ Καλλικλέα Περὶ Χωρίου Βλάβης 19:

ἀκούετ’, ὦ ἄνδρεσ Ἀθηναῖοι, τῶν μαρτυριῶν. ἆρ’ ὑμῖν δοκοῦσι διαρρήδην μαρτυρεῖν, καὶ χωρίον εἶναι δένδρων μεστὸν καὶ μνήματ’ ἔχειν τινὰ καὶ τἄλλ’ ἅπερ καὶ τοῖσ ἄλλοισ χωρίοισ συμβέβηκεν, καὶ πάλιν ὅτι περιῳκοδομήθη τὸ χωρίον ζῶντοσ μὲν ἔτι τοῦ τούτων πατρόσ, οὐκ ἀμφισβητούντων δ’ οὔτε τούτων οὔτ’ ἄλλου τῶν γειτόνων οὐδενόσ;