Demosthenes, Speeches 11-20, Περὶ τῆσ Παραπρεσβείας 436:

τίνα δ’ οὐ πάντων τῶν ἄλλων χείρω πολίτην ὑπάρξειν, ὁρῶντα τοῖσ μὲν ἅπαντα πεπρακόσι χρήματα, δόξαν, ἀφορμὴν τὴν Φιλίππου ξενίαν περιοῦσαν, τοῖσ δὲ δικαίουσ τε παρέχουσιν ἑαυτοὺσ καὶ προσανηλωκόσι χρήματα πράγματα, ἀπεχθείασ, φθόνον περιόντα παρ’ ἐνίων; μηδαμῶσ· οὔτε γὰρ πρὸσ δόξαν οὔτε πρὸσ εὐσέβειαν οὔτε πρὸσ ἀσφάλειαν οὔτε πρὸσ ἄλλ’ οὐδὲν ὑμῖν συμφέρει τοῦτον ἀφεῖναι, ἀλλὰ τιμωρησαμένουσ παράδειγμα ποιῆσαι πᾶσι, καὶ τοῖσ πολίταισ καὶ τοῖσ ἄλλοισ Ἕλλησιν.