Demosthenes, Speeches 11-20, Περὶ τῆσ Παραπρεσβείας 218:

ὃν τοίνυν χρόνον ἦμεν ἐκεῖ καὶ καθήμεθ’ ἐν Πέλλῃ, σκέψασθε τί πράττειν ἕκαστοσ ἡμῶν προείλετο. ἐγὼ μὲν τοίνυν τοὺσ αἰχμαλώτουσ ἀνασῴζειν καὶ ζητεῖν, καὶ παρ’ ἐμαυτοῦ τε χρήματ’ ἀναλίσκειν καὶ Φίλιππον ἀξιοῦν, ὧν ἡμῖν ἐδίδου ξενίων, τούτουσ λύσασθαι· οὗτοσ δὲ αὐτίκ’ ἀκούσεσθε τί ποιῶν διετέλεσεν. τί οὖν ἦν τοῦτο τὸ κοινῇ χρήμαθ’ ἡμῖν τὸν Φίλιππον διδόναι;