Demosthenes, Speeches 11-20, Περὶ τῆσ Παραπρεσβείας 92:

ἀλλ’ ἐκεῖν’ ἴδιον καὶ οὐδενὶ τῶν πάντων ἄλλῳ γεγονὸσ εὐτύχημα. τὸ ποῖον; τὸ ἐπειδὴ πονηρῶν ἀνθρώπων εἰσ τὰ πράγματ’ αὐτῷ ἐδέησεν, πονηροτέρουσ εὑρεῖν ἢ ἐβούλετο. πῶσ γὰρ οὐχ οὗτοι τοιοῦτοι δικαίωσ ὑποληφθεῖεν ἄν, οἵ γε, ἃ ὑπὲρ αὑτοῦ Φίλιπποσ τηλικούτων ὄντων αὐτῷ τῶν διαφόρων οὐκ ἐτόλμα ψεύσασθαι, οὐδ’ ἔγραψεν οὔτ’ εἰσ ἐπιστολὴν οὐδεμίαν, οὔτε πρεσβευτὴσ οὐδεὶσ εἶπε τῶν παρ’ ἐκείνου, ἐπὶ ταῦτα μισθώσαντεσ ἑαυτοὺσ ὑμᾶσ ἐξηπάτων;