Demosthenes, Speeches 11-20, Περὶ τῆσ Παραπρεσβείας 70:

τούτοισ δ’, εἴπερ ἦν ὑγιέσ τι τούτων, τί ἄλλο προσῆκεν ἢ συνειπεῖν ὅπωσ ἐξέλθηθ’ ὑμεῖσ, καὶ τὸν Πρόξενον ὃν περὶ τοὺσ τόπουσ ᾔδεσαν ὄντα γράφειν εὐθέωσ βοηθεῖν; πάντα τοίνυν τἀναντία τούτων φαίνονται πεποιηκότεσ. εἰκότωσ· οὐ γὰρ οἷσ ἐπέστελλε προσεῖχον τὸν νοῦν, ἀλλ’ ἃ φρονῶν ταῦτ’ ἔγραφεν συνῄδεσαν· τούτοισ οὖν συνέπραττον καὶ τούτοισ συνηγωνίζοντο.