Demosthenes, Speeches 11-20, Περὶ τῆσ Παραπρεσβείας 38:

οὐ γὰρ εἰ φαύλοισ χρῆσθ’ ὑμεῖσ εἰσ τὰ κοινὰ πολλάκισ ἀνθρώποισ, καὶ τὰ πράγματ’ ἐστὶ φαῦλα ὧν ἡ πόλισ ἀξιοῦται παρὰ τοῖσ ἄλλοισ, οὐδὲ πολλοῦ δεῖ. εἶτα καὶ Φωκέασ ἀπολώλεκεν μέν, οἶμαι, Φίλιπποσ, συνηγωνίσαντο δ’ οὗτοι· τοῦτο δὴ δεῖ σκοπεῖν καὶ ὁρᾶν, εἰ ὅσα τῆσ Φωκέων σωτηρίασ ἐπὶ τὴν πρεσβείαν ἧκε, ταῦθ’ ἅπαντ’ ἀπώλεσαν οὗτοι καὶ διέφθειραν ἑκόντεσ, οὐχ ὡσ ὅδε Φωκέασ ἀπώλεσεν καθ’ ἑαυτόν. πόθεν;