Demosthenes, Speeches 11-20, Περὶ τοῦ Στεφάνου 142:

εἶτ’ ἐγὼ τεθεωρηκὼσ ἐν τοσούτοισ καὶ τοιούτοισ τὴν πόλιν ὑπὲρ τῶν τοῖσ ἄλλοισ συμφερόντων ἐθέλουσαν ἀγωνίζεσθαι, ὑπὲρ αὐτῆσ τρόπον τινὰ τῆσ βουλῆσ οὔσησ τί ἔμελλον κελεύσειν ἢ τί συμβουλεύσειν αὐτῇ ποιεῖν; μνησικακεῖν νὴ Δία πρὸσ τοὺσ βουλομένουσ σῴζεσθαι, καὶ προφάσεισ ζητεῖν δι’ ἃσ ἅπαντα προησόμεθα. καὶ τίσ οὐκ ἂν ἀπέκτεινέν με δικαίωσ, εἴ τι τῶν ὑπαρχόντων τῇ πόλει καλῶν λόγῳ μόνον καταισχύνειν ἐπεχείρησα; ἐπεὶ τό γ’ ἔργον οὐκ ἂν ἐποιήσαθ’ ὑμεῖσ, ἀκριβῶσ οἶδ’ ἐγώ· εἰ γὰρ ἐβούλεσθε, τί ἦν ἐμποδών; οὐκ ἐξῆν; οὐχ ὑπῆρχον οἱ ταῦτ’ ἐροῦντεσ οὗτοι;