Demosthenes, Speeches 11-20, Περὶ τοῦ Στεφάνου 67:

σκοπεῖτε δέ· καὶ γὰρ εἰ παρελήλυθ’ ὁ τῶν πραγμάτων καιρόσ, ὁ τοῦ γ’ εἰδέναι τὰ τοιαῦτα καιρὸσ ἀεὶ πάρεστι τοῖσ εὖ φρονοῦσι. μέχρι τούτου Λασθένησ φίλοσ ὠνομάζετο, ἑώσ προὔδωκεν Ὄλυνθον· μέχρι τούτου Τιμόλαοσ, ἑώσ ἀπώλεσε Θήβασ· μέχρι τούτου Εὔδικοσ καὶ Σῖμοσ ὁ Λαρισαῖοσ, ἑώσ Θετταλίαν ὑπὸ Φιλίππῳ ἐποίησαν. εἶτ’ ἐλαυνομένων καὶ ὑβριζομένων καὶ τί κακὸν οὐχὶ πασχόντων πᾶσ’ ἡ οἰκουμένη μεστὴ γέγονεν. τί δ’ Ἀρίστρατοσ ἐν Σικυῶνι, καὶ τί Πέριλλοσ ἐν Μεγάροισ; οὐκ ἀπερριμμένοι;