Demosthenes, Speeches 11-20, Περὶ τοῦ Στεφάνου 31:

ἀλλ’ ὅμωσ, τούτων τοιούτων ὄντων καὶ ἐπ’ αὐτῆσ τῆσ ἀληθείασ οὕτω δεικνυμένων, εἰσ τοῦθ’ ἧκεν ἀναιδείασ ὥστ’ ἐτόλμα λέγειν ὡσ ἄρ’ ἐγὼ πρὸσ τῷ τῆσ εἰρήνησ αἴτιοσ γεγενῆσθαι καὶ κεκωλυκὼσ εἰήν τὴν πόλιν μετὰ κοινοῦ συνεδρίου τῶν Ἑλλήνων ταύτην ποιήσασθαι. εἶτ’ ὦ ‐ τί ἂν εἰπών σέ τισ ὀρθῶσ προσείποι; ἔστιν ὅπου σὺ παρὼν τηλικαύτην πρᾶξιν καὶ συμμαχίαν, ἡλίκην νυνὶ διεξῄεισ, ὁρῶν ἀφαιρούμενόν με τῆσ πόλεωσ, ἠγανάκτησασ, ἢ παρελθὼν ταῦθ’ ἃ νῦν κατηγόρεισ ἐδίδαξασ καὶ διεξῆλθεσ;