Demosthenes, Speeches 11-20, Ὑπὲρ Μεγαλοπολιτῶν 31:

ἡδέωσ δ’ ἂν πυθοίμην τῶν λεγόντων καὶ τοὺσ Θηβαίουσ μισεῖν φασκόντων καὶ τοὺσ Λακεδαιμονίουσ, πότερ’ ἑκάτεροι μισοῦσιν, οὓσ δὴ μισοῦσιν, ὑπὲρ ὑμῶν καὶ τοῦ συμφέροντοσ ὑμῖν, ἢ ὑπὲρ Λακεδαιμονίων μὲν Θηβαίουσ, ὑπὲρ δὲ Θηβαίων Λακεδαιμονίουσ ἑκάτεροι. εἰ μὲν γὰρ ὑπὲρ ἐκείνων, οὐδετέροισ ὡσ μαινομένοισ πείθεσθαι προσήκει· εἰ δ’ ὑπὲρ ὑμῶν φήσουσι, τί πέρα τοῦ καιροῦ τοὺσ ἑτέρουσ ἐπαίρουσιν;