Demosthenes, Speeches 11-20, Ἐπιστολὴ Φιλίππου 19:

ὑμεῖσ δ’ ὧν μὲν ἠδίκησαν ἐμὲ Πεπαρήθιοι, τούτων μὲν οὐδὲν ἐπεσκέψασθε, τὴν δὲ τιμωρίαν, ἀκριβῶσ εἰδότεσ. καίτοι τὴν νῆσον οὔτ’ ἐκείνουσ οὔθ’ ὑμᾶσ ἀφειλόμην, ἀλλὰ τὸν λῃστὴν Σώστρατον. εἰ μὲν οὖν αὐτοί φατε παραδοῦναι Σωστράτῳ, λῃστὰσ ὁμολογεῖτε καταπέμπειν· εἰ δ’ ἀκόντων ὑμῶν ἐκεῖνοσ ἐκράτει, τί δεινὸν πεπόνθατε λαβόντοσ ἐμοῦ καὶ τὸν τόπον τοῖσ πλέουσιν ἀσφαλῆ παρέχοντοσ;