Aristotle, Politics, Book 3 214:

ὥσπερ γὰρ θεὸν ἐν ἀνθρώποισ εἰκὸσ εἶναι τὸν τοιοῦτον. ὅθεν δῆλον ὅτι καὶ τὴν νομοθεσίαν ἀναγκαῖον εἶναι περὶ τοὺσ ἴσουσ καὶ τῷ γένει καὶ τῇ δυνάμει, κατὰ δὲ τῶν τοιούτων οὐκ ἔστι νόμοσ· αὐτοὶ γάρ εἰσι νόμοσ. καὶ γὰρ γελοῖοσ ἂν εἰή νομοθετεῖν τισ πειρώμενοσ κατ’ αὐτῶν. λέγοιεν γὰρ ἂν ἴσωσ ἅπερ Ἀντισθένησ ἔφη τοὺσ λέοντασ δημηγορούντων τῶν δασυπόδων καὶ τὸ ἴσον ἀξιούντων πάντασ ἔχειν.