Aristotle, Politics, Book 7 279:

τεκμήριον δέ· ἐν ὅσαισ γὰρ τῶν πόλεων ἐπιχωριάζεται τὸ νέουσ συζευγνύναι καὶ νέασ, ἀτελεῖσ καὶ μικροὶ τὰ σώματά εἰσιν. ἔτι δὲ ἐν τοῖσ τόκοισ αἱ νέαι πονοῦσί τε μᾶλλον καὶ διαφθείρονται πλείουσ· διὸ καὶ τὸν χρησμὸν γενέσθαι τινέσ φασι διὰ τοιαύτην αἰτίαν τοῖσ Τροιζηνίοισ, ὡσ πολλῶν διαφθειρομένων διὰ τὸ γαμίσκεσθαι τὰσ νεωτέρασ, ἀλλ’ οὐ πρὸσ τὴν τῶν καρπῶν κομιδήν. ἔτι δὲ καὶ πρὸσ σωφροσύνην συμφέρει τὰσ ἐκδόσεισ ποιεῖσθαι πρεσβυτέραισ·