Aristotle, Politics, Book 5 325:

καίτοι πασῶν ὀλιγοχρονιώταται τῶν πολιτειῶν εἰσιν ὀλιγαρχία καὶ τυραννίσ. πλεῖστον γὰρ ἐγένετο χρόνον ἡ περὶ Σικυῶνα τυραννίσ, ἡ τῶν Ὀρθαγόρου παίδων καὶ αὐτοῦ Ὀρθαγόρου· ἔτη δ’ αὕτη διέμεινεν ἑκατόν. τούτου δ’ αἴτιον ὅτι τοῖσ ἀρχομένοισ ἐχρῶντο μετρίωσ καὶ πολλὰ τοῖσ νόμοισ ἐδούλευον, καὶ διὰ τὸ πολεμικὸσ γενέσθαι Κλεισθένησ οὐκ ἦν εὐκαταφρόνητοσ, καὶ τὰ πολλὰ ταῖσ ἐπιμελείαισ ἐδημαγώγουν.